1 TOMU-TOMUNDO' 2:1 - KITAB NU TUMPU ALLA LELE MA'IMAI'

¹ Tempo'nyo i Daud malia'mo silaka, i laganyomo na i Salomo anaknyo momo'ane ka' lewa' nombee'i pokinde' anu memenyomo aitu na ia mombee'i pokinde'. I Daud notataemo,

1 TOMU-TOMUNDO' 2:1 ပူးပေါင်းရင်းမြစ်များ

KAJADIAN 47:29

Salatan ohanimo na tempo'nyo ia silakamo, ilaganyomo na i Yusuf anaknyo aijo', lantas pinoto'inyomo hi ia, “Potiik mae na lima nu beleyum i olot nu jalempakan nu pa'angku ka' basumpa' saba' beleyujm madi' molamun aku i Mesir aiya.

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

1 TOMU-TOMUNDO' 1:53

Lantas pinalentahnyomo na mian mamba mongala i Adonia kiijo' i mezba. Sahingga tinokamo mae na i Adonia nangadap hi tomundo', ka' tinolodadupumo i ahopnyo. Lantas i tomundo' notataemo, “Beleyum timbalimo minsusule'!”

1 TAWARIKH 22:6

I Daud nolagamo anaknyo momo'ane, i Salomo, ka' nompalentahmo ia da mombaumo Laigan nu Tumpu Allah anu osombah nu mian nu Israel.

NOMBILANGMO 27:19

Pokau na ia tuminjo i ahop hi Imam Eleazar ka' hi iwi-iwi' na mian. Hi ahop nu aha iwi-iwi' tionyo ahi' nu poto'i taalu' i Yosuamo na timbali bau pombolosi beleyum.

PO'ULE' INGULIT 3:28

Pokinde'i ima-ima' na i Yosua, posanang na kinyonyoa, kalana iamo na molaya' bansa aijo' mokiijo' i santoanyo da monjojoongi lipu' anu tinoamo nu beleyum aijo'.’

PO'ULE' INGULIT 31:14

Lapas aijo' Tumpu notataemo hi Musa, “Beleyum tumuu' madi'mo daagi' pin. Jadi lagamo mae na i Yosua ka' boa mae na ia i Kemah-Ku, da Ku bee'i pokinde' na ia.” Sahingga nambamo na i Musa ka' i Yosua nokiijo' i Kemah nu Tumpu,

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

PO'ULE' INGULIT 33:1

Ma'isa pe'e sinilaka na i Musa, anu sinai mae nu Tumpu Allah, ia nombalakatimo bansa Israel, ia notatae sumo uuka:

1 TIMOTIUS 1:18

Timotius, anakku! Kalaja aiya kupalesayakonmo hi beleyum, monginau' daagi' ko potuunon nu Tumpu anu pinotokakonmo nu to nabi-nabi i uno nu jama'at mongkona butong nu beleyum. Tionyo ahi' potuunon aijo' timbali bau mantu nu beleyum i uno nu usaha anu ma'ima'.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

2 TIMOTIUS 4:6

Mongkona butongku, tinokamo na tempo'nyo aku silakamo salaku bau koloban hi Tumpu. Madi'mo pin aku mompala'imo dunia aiya.