1 TOMU-TOMUNDO' 19:8 - KITAB NU TUMPU ALLA LELE MA'IMAI'

⁸ I Elia nobulamo ka' nongkanmo ka' nonginummo. Sahingga ia nahosonmo ka' noko alamo lumajang pinatompulu' na sinaa na kinopinnyo namba i Bungkutnyo nu Sinai, tampat pinanintoan nu Tumpu Allah.

1 TOMU-TOMUNDO' 19:8 ပူးပေါင်းရင်းမြစ်များ

1 TOMU-TOMUNDO' 17:6

Panga'nyo nu kaunyo aijo' na ponginumannyo ka' anu nu kaan roti ka' ponoha' anu nu boa mae nu tomonsi' papaa' daagi' subu ka' de malommo.

1 TOMU-TOMUNDO' 19:7

Tinoka kinopinduannyomo malaekat nu Tumpu noliko ia mule' ka' nompoto'i, “Pobulamo, Elia ka' pongkaanmo da beleyum moko ala montahan lumajang majo'on.”

NOSABATMO 19:18

Songko-songko na Bungkutnyo nu Sinai sinaputmo nu tibuk, kalana Tumpu nintatau'mo aita' i uno nu apu. Tibuk aijo' kino puha-puhamo susumo tibuk i tampat anu pinapuanmo, ka' songko-songko na bungkutnyo ginayu'anmo hondo-hondo.

NOSABATMO 24:18

Lantas i Musa balomo nindako sampe ia ninsoopmo i uno nu kundom aijo'. Pinatompulu' na sinaa ka' pinatompulu' na pihi, na i Musa jinojoongmo i kiita' mae.

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

NOSABATMO 34:28

Patompulu' na sinaa ka' patompulu' na pihi na i Musa jinojoongmo ikiijo' tiba Tumpu, ka' tempo'nyo aijo' ia madi'mo nongkaan ka' madi'mo nonginum. Onyi' nu potatae nu palajanjian aijo', aijo'mo Sampulu' na Palentah nu Tumpu Allah anu tinulisnyomo i kobakan nu batu.

NOSABATMO 4:27

Hau-haunyo aijo' Tumpu nompoto'imo hi Harun, “Lako'mo mamba i padang bola da mompahakabot i Musa.” I Harun nambamo ka' nompahakabotmo tiba utus ise'nyo i bungkutnyo anu susi' ka' ingookannyomo na ia.

DANIEL 1:15

Salatan tempo'nyo ningkotmo aha tinoa lebemo sinehat ka' mule' nahosonmo ilingkuduannyomo nu aha iwi-iwi' na to oli-olitau anu mohumpak kaanon i meja' nu tomundo'.

MATIUS 4:2

Patom pulu' na sinaa ka' patom pulu' na pihi i Yesus madi' nongkaan. Lantas Ia nongoa'imo no ohop.

MARKUS 1:13

Patompulu' na sinaa Ia jinojoong i kiijo', sinobaan nu Ibilis. To bina-binatang anu ma'ela' suele kiijo' tiba Ia, ka' to mala-malaikat anu mongkalibosi Ia.

LUKAS 4:2

I kiijo' Ia sinobaanmo nu Ibilis patompulu' na sinaa na kinopinnyo. Tempo'nyo aitu, madi' toho' ko anu kinaan-Nyo. Ahennyo Ia nongoa'imo no'ohop.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.