1 TOMU-TOMUNDO' 19:4 - KITAB NU TUMPU ALLA LELE MA'IMAI'

⁴ lantas ia i lumjangmo tengke nambamo i padang mateges sinansinaa na ia i lumajang sampe tinoka no kiijo' i patu nu kau' anu hopo' hondo na honnyo. I kiijo'mo na kina suhangannyo ka' gagalannyo sahanyo matemo. “Madi'mo ku poko ala mongintim O Tumpu.” Na pinoto'inyo hi Tumpu. “Alamo na nyawangku. Aku madi' lebe ma'ima' molingkudui mompole'ku mae!”

1 TOMU-TOMUNDO' 19:4 ပူးပေါင်းရင်းမြစ်များ

1 TOMU-TOMUNDO' 13:14

nololoi'mo nabi anu lengkat mae i Yehuda aijo'. Tinokannyo na nabi aijo' hau-haunyo suha-suhang i patu nu kau' daka'. Nabi anu ilangkai'mo aijo' nompokilawa “Pa' Belentomo na nabi anu lengkat mae i Yehuda? Tinaaman nu miana aijo' totu'u.”

1 TOMU-TOMUNDO' 19:3

I Elia nabuhukmo lantas nopalaimo da boli opatei. Ia nambamo tiba posaihonnyo namba i Bersyeba kiijo' mae i Yehuda. I kiijo' mae ia madi'mo nongka'oho' da susumo nabi,

1 TOMU-TOMUNDO' 19:5

Lantas ia nale'mo i patu nu kau' aijo', ka' kinahoyotanmo. Monti-montiik samian na malaikat nolikomo ia ka' nompoto'i “Bulamo Elia, pongkaanmo!”

2 TOMU-TOMUNDO' 2:11

Hau-haunyo aha laja-lajang aha sabasi-basisiknyo. Monti-montiik sa'angu'na kareta anu ko apunyo anu nu hela' nu ajahan ko apunyo tinokamo mae nongoloti aha, lantas i Elia i hangkatmo namba i suluga' nu mombun anu makansang hondo.

AYUB 6:8

Kadaka' Tumpu Allah madi' sanang na mohongo do'angku? Kadaka' madi' mae nu hongo na anu ku poita?

AYUB 6:9

De timbali Tumpu Allah pahantutukakonmo mae na aku da mahutemo. De timbali da ia mompateimo mae aku!

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

AMOS 6:2

Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

NAHUM 3:8

O Ninewe te toho'mo mule' beleyum na lebe ma'ima' molingkudui Tebe puso nu kota' Mesir? Tebe suele tampatnyo ibiwi nu kaunyo anu mongompo susumo pagan mesen. Ya Kaunyo nu Nil aijo'mo na benteng salaku bau kahosonannyo.

NOMBILANGMO 11:15

De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”

MATIUS 6:26

Toa na tomonsi' i langa. Aha madi' mosu'an, madi' mompadak, ka' madi' mule' mompolimu' hasin anu sinu'annyo i uno nu alang. Mau mule' sumo aitu Tuumaum anu i suluga' mompotuu' aha! Te misa' komiu lebe ko angga'nyo molingkudui tomonsi'?

YOHANES 4:6

I kiijo' daagi' ko bubung i Yakub. I Yesus nalawemo hondo kalana i lumajang, kalana aitu Ia sinumuhang i sohipi' nu bubung. Tempo'nyo aijo' kila-kila jam sampulu'mo ka' ohua' sonsu'unmo na sinaa.

ROMA 3:9

Jadi, te kita mian nu Yahudi lebe ma'ima' molingkudui bansa sangga'at? Totu-totu'u madi'! Pinoko taloakonkumo mau mian nu Yahudi kabai bansa sangga'at, iwi-iwi' kinuasanmo nu dosa'.