1 TOMU-TOMUNDO' 19:2 - KITAB NU TUMPU ALLA LELE MA'IMAI'

² Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TOMU-TOMUNDO' 19:2 ပူးပေါင်းရင်းမြစ်များ

2 SAMUEL 19:13

Ka' mule' i Daud nompokaumo aha da mompoto'i hi Amasa sumo uuka, “Temisa' beleyum suele julungku mae ahi'? Uuka aiya beleyum ku hangkatmo bau talenga' nu suludadungku pombolosi i Yoab. Tumpu Allah na monsilakai mae aku de madi' ku totu'ui na anu tinaloakonkumo aiya!”

2 SAMUEL 3:9

Sahanyo i Daudmo na kutulungi, pakalaus mule' jinanji'mo nu Tumpu hi ia na da'erah anu nu palentah i Saul aiya obee'mo hi Daud, ka'lee' i Saul madi'mo timbali ohangkat bau tomundo', jadi i Daudmo ahi' na bau tomundo' montomundo'i Israel tiba Yehuda songko-songko. Tumpu Allah na mompatei aku de madi' kubau na palajanjian nu Tumpu Allah hi Daud aijo'.”

1 TOMU-TOMUNDO' 2:23

Noko taloakonnyo sumo aijo' binasumpa'mo na i Salomo i uno nu sanggo nu Tumpu, “Bakasmo na aku da nukona nu kutuk nu Tumpu, de madi' kupokonai hukuman mate na i Adonia, kalana ia nompoitamo sumo aijo'!

1 TOMU-TOMUNDO' 2:28

Salatan i hongomo i Yoab na anu jinadimo aijo' ia nabuhukmo kalana ia nonsangaja'imo i Absalom. Sahingga ia nopalaimonamba i kemah nu Tumpu ka' nontoongi iwi-iwi' na pasu'nyo nu mezba.

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

2 TOMU-TOMUNDO' 19:22

Beleyum nonsumbu'mo pa' ihe na inguda-udahanmo ka' pinopoambangmo nu beleyum aijo'? Akumo na Tumpu Allah nu Israel, Tumpu Allah anu Susi'! Kobubuun hondo na langkas nu beleyum hi belengku.

2 TOMU-TOMUNDO' 6:31

I Tomundo' notataemo daka-daka', “Sinamo aiya na kapatean i Elisa. Pojohokmo da nupiboatimo nu Tumpu Allah na mohukum mae aku, panyo ku pateimo na i Elisa!”

NOSABATMO 10:28

Notatae na i tomundo hi Musa, “Lako'mo bolimo mae manintoa hi belengku! Aku madi'mo daagi' montoa beleyum! De daagi' ku toa na ohup nu beleyum, beleyum matemo!”

NOSABATMO 15:9

Notatae na sampobali', ‘Aha ku loloi'mo ka' ku hakopmo, kineatku na bajakku ka' pinateankumo na aha. Lantas iwi-iwi' na halata' nu aha ingagoankumo binagi-bagingkumo ka pinakengkumo sampe na osa.’

AMSAL 27:1

Boli lewa' monsisik anu madi' totu'u mongkona sina dodop, kalana madi' nu sumbu' pa' apaa na anu jadi saidi' mae.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 26:21

Salatan i Tomundo' Yoyakim tiba to sulu-suludadu anu toto tangka-tangkas na pangkatnyo ka' mule' to mia-mian anu tota tangkas-tangkas na pangkatnyo i pamalentahan nohongomo anu tinaloakon i Uria, i tomundo' kinogau'mo da opateimo na ia. Panyo salatan ihongomo i Uria na han aijo' ia nabuhukmo ka' nopalaimo namba i Mesir.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

I RUT 1:17

Pa' iya mae na kasilakan nu belento Tinangku ikiijo' suele na kasilakanku ka' polamunan aku. Nu hukum nu Tumpu hondo-hondo na aku, de aku mongka'oho' mompala'i belento Tinangku, beilako' silakamo yo moga'atmo na kita!”