1 TOMU-TOMUNDO' 19:10 - KITAB NU TUMPU ALLA LELE MA'IMAI'

¹⁰ Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

1 TOMU-TOMUNDO' 19:10 ပူးပေါင်းရင်းမြစ်များ

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 18:22

Lapas aijo' i Elia notataemo, “Te to nabi-nabi nu Tumpu me ola-olanyomo aku na aiya, padahan aiya sinihuk nabi Baal 450.

NOSABATMO 34:14

Boli monsombah pilogot sangga'at, kalana Aku, Tumpu, te Tumpu Allah anu madi' mongka'oho' opokakanakon tiba mau mule' pa' apaa.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

1 TOMU-TOMUNDO' 18:30

Lantas pinoto'imo i Elia hi mian da'isan haha aijo' iwi-iwi', “Imbo' po'uka mae oha-ohani.” Aha iwi-iwi' nokiijo' mo nontikubi ia, lapas aijo' pinoko'ima'annyomo na mezbah nu anu nohobo'mo.

NOMBILANGMO 25:13

Ia ka' lee'nyo Ku potataapmo salaku imam sampe toka sidu-sidutu', kalana ia jinunjuhi'mo na nontinjohakon Aku, Tumpu Allah-Nyo, ka' nombaumo paladamean da madi'mo baladosa' na aha mian nu Israel.”

NOMBILANGMO 25:11

“I Pinehas, anak i Eleazar, makumpu i Imam Harun, jinunjuhi'mo na nontijohakon katalasanggoan-Ku hi aha mian nu Israel, sahingga Aku madi'mo pusa ka' Aku madi'mo sida na mompatei bansa aijo'.

YOHANES 2:17

Sahingga anu saja' mombatuki Ia tinonginau'mo i ayat nu Kitab nu Tumpu sumo uuka, “Mongka'ima'i Laigan-To, o Tumpu, talalo saja' Ku inau' i kinyonyoang-Ku.”

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

MAZMUR 119:139

Tambuha'ku ningobamo i uno nu butongku kalana anu monsampobali' mae aku, nongkolilimimo pangajalan nu Belento.

MAZMUR 69:9

Aku sumomo mian anu isalipu'anmo, misa'mo sumo utus nu to utu-utusku, sumomo mian anu isambiha'nyomo, misa'mo sumo to utu-utusku anu tu'a, tiba utusku anu ise'nyo.

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

1 TOMU-TOMUNDO' 19:14

Tinaaman i Elia, “O Tumpu, Tumpu Allah Anu Daka' na kuasa'nyo, aku saja'mo nokalaja ola samata-mata mombau anu o palentahkon nu Belento. Panyo' mian nu Israel anu pinalesayamo hi belento nolanggaimo palajanjian nu aha hi belento. Aha nohobo'akonmo mezbah nu belento ka' pinaha pateanmo nu aha na iwi-iwi' na nabi nu belento. Me aku aiya sausa' na daagi' tutuu', ka' uuka aiya aha kahanda'mo mompatei aku!”

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TOMU-TOMUNDO' 18:20

Sahingga pinalentahmo i Ahab na mian da'isan iwi-iwi' ka' nabi Baal haha aijo' da mamba i Bungkutnyo nu Karmel.

1 TOMU-TOMUNDO' 18:17

Salatan tinoamo i Ahab na i Elia, i Ahab notataemo daka-daka', “Aiyamo na ia anu saja' monsaduakon da saja' painggaga na mian nu Israel!”

1 TOMU-TOMUNDO' 18:10

I uno nu sanggo nu Tumpu anu tumuu', Tumpu Allah anu osombah nu belento Tuuma, aiya ku poto'i saba' i tomundo' nompalentahmo aku molio belento Tuuma iyaya mae. De i sa'angu' na lipu' pamalentahnyo motatae tukoonyo belento Tuuma madi' ko anu aiya mae, sabole-bole tionyo nu poita i Ahab da pamalentah nu lipu' aijo' basumpa' de memang totu-totu'u belento Tuuma madi' ko anu kinabot kiijo' mae.

1 TOMU-TOMUNDO' 20:35

Daagi' ko nabi pa' aha sangkuka na konjoo'nyo, samian na nabi pinalentahmo nu Tumpu da motatae hi sangko nabinyo, doke mae na ia sangalunyo aijo'. Panyo sangalunyo aijo' madi' ahi' mondoke sangko nabinyo aijo'.

1 TOMU-TOMUNDO' 20:22

Lapas aitu nabi ai-aijo' tinokamo hi Ahab ka' notatae “Uuka aiya, sahanyo kita tuan pinsusule'mo ka' montoukai kahosonan ka' balatanga' ma'i-ma'ima, kalana tomundo' nu Siria po'ule'mo toka mae montumbuhi de pimbuhakanmo mule' nu kau' anu aiya mae o ahopi.”

1 TOMU-TOMUNDO' 20:13

Tempo'nyo aitu nambamo na nabi samian hi Tomundo' Ahab ka' pinoto'inyomo, “Koonyo nu Tumpu: 'Tinoamo nu belento na konjoo'nyo nu suludadu haha aijo'? Ku bee'imo kauntungan na Belento mahampate mongewa aha sinaa aiya. Atina'je ka' nu nusumbu' taalu' Akumo aiya na Tumpu.’ ”

IBRANI 11:37

Aha pinahambunu'akon nu batu sampe sinilaka, daagi' mule' ko anu kinolong nu galagaji, ka' anu pinatean nu bajak. Aha anu namba momoya, ola mibaju' nu kilit nu domba kabai kilit nu mee'; aha kasiasi, okabisa'i, ka' osakisa.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

2 TOMU-TOMUNDO' 10:16

“Batuki mae na aku ka' oposi toaje pa' mosia na langkasku palesaya hi Tumpu.” Lantas aha hingga-hinggat sinumake'mo namba i Samaria.

YEREMIA 36:26

Itomundo' ola mule' ahi' nompalentah anaknyo momo'ane, aijo'mo i Yerahmeel tiba i Seraya anak i Azriel tiba i Salemya anak i Abdeel da mohakop aku tiba i Barukh julutulisku. Panyo kami pinosulukmo nu Tumpu.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 78:37

Aha madi' tulu-tulutan hi Ia, ka' madi' montoongi palajanjian-Nyo.

MAZMUR 119:26

Aku mongakuimo palabuatanku, lantas tinaamanmo nu Belento na aku; potiju'akon mae na aku atulan nu Belento.

MAZMUR 119:126

O, Tumpu, tinokamo na tempo'nyo Belento mohukumo, kalana to mia-mian nolanggaimo atulan nu Belento.

YESAYA 49:4

Panyo tinaloakonkumo, “Lawengku ola ahi' palasuma; madi' kino kaliangannyo na aku nongingkoti kahosonanku!” Panyo maumo ahi' sumo aijo', aku palesaya ahi' totu-totu'u saba' Tumpu montoakon mae ahi' haku. Tumpu mombalosi mae aku pokakana tiba palabuatanku.