1 TOMU-TOMUNDO' 18:41 - KITAB NU TUMPU ALLA LELE MA'IMAI'

⁴¹ Lapas aijo' pinoto'imo i Elia hi Tomundo' Ahab, “Uuka aiya sahanyo belento Tomundo' mambamo pongkaan! Gagana' uuka ujanmo, kalana i hongongkumo na buhoknyo mae.”

1 TOMU-TOMUNDO' 18:41 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 18:1

Madi' pinin, ilapas na aijo', kina konamo i taun kototolu'nyo na posinaa anu daka' hondo aijo', pinoto'imo nu Tumpu hi Elia, “Lako'mo mangadap hi Tomundo' Ahab, ka' poto'i madi'mo pin Ku tudunakonmo na ujan.”

1 TOMU-TOMUNDO' 18:40

Sahingga notataemo na i Elia, “Hakop na nabi Baal aijo'! Boli opotuha' mau ola samian!” Lantas i hakopmo nu to mia-mian na nabi Baal haha aijo', ka' binoamo i Elia i Kaunyo Kison, ka' i kiijo' mae pinateannyomo na aha iwi-iwi'.

1 TOMU-TOMUNDO' 18:42

Lantas i Ahab nambamo nongkaan ka' mule' i Elia nindakomo i Bungkutnyo nu Karmel. I kiita' mae ia tinolodadupumo, ohupnyo i hampot i tano' i olot nu bukunyo ohu-ohua'.

1 TOMU-TOMUNDO' 8:36

ka' ampuniakon mae na dosa' nu mian Israel anu pinalesayamo hi Belento tiba tomundo' nu aha. Pokinde'iakon na aha da mombau apaa na anu totu'u. Lapas aijo' Tumpu tudunakonmo mae na ujan i lipu' nu Belento aiya, lipu' anu binee'mo nu Belento hi mian anu pinalesayamo hi Belento da timbali anu nu aha sampe toka sidu-sidutu'.

AYUB 37:13

Tumpu Allah nombee'imo mae ujan da bau pohumpisi tano', kabai mule' da bau pohukum manusia; ka' ugaat mule' da opotoa hi aha, na kalibosan-Nyo anu talalo hondo anu tataap sampe toka sidu-sidutu'.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

SISIKON NU TO RASUL-RASUL 27:34

Ku poita da mongkaan ise-ise'. Aijo' timbali da bau ka'ima'an miu, da komiu po'ule' mahoson. Kalana kita Utus iwi-iwi' daagi' sinalamat ka' madi' ko anu naga'a apa-apaa.”