1 TOMU-TOMUNDO' 18:31 - KITAB NU TUMPU ALLA LELE MA'IMAI'

³¹ Ia nongala sampulu' ka' ohua' na batu, toto sa'angu' na batu mowakini sa'angu' na lee' mae i Yakub, aijo'mo mian anu sinanggohanmo nu Tumpu Israel.

1 TOMU-TOMUNDO' 18:31 ပူးပေါင်းရင်းမြစ်များ

2 TOMU-TOMUNDO' 17:34

Sampe sinaa uuka aiya, aha daagi' monjalanakon adat kabiasa'an nu aha. Aha madi' monsombah Tumpu ka' madi' ahi' suele montuluti to atu-atulan ka' palentah-Nyo anu binee'-Nyomo hi lee' i Yakub anu sinanggohan-Nyomo Israel.

KAJADIAN 35:10

Tumpu Allah notataemo hi ia, “Beleyum madi'mo osanggohi i Yakub, panyo osanggohimo i Israel.” Sumo aijo' na Tumpu Allah nonsanggohimo ia i Israel.

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

YOSUA 4:20

Tinoka ikiijo' i Yosua nontambunmo sampulu' ka' ohua' na batu anu ingala i totonga' nu Yordan.

ANU PINOTO'I HI YOHANES 21:12

Mesen titikub matangkas ka' daka', ka' mule' sampulu' ka' ohua' na sabatannyo anu daka', ka' nu jagai nu sampulu' ka' ohua' na malaikat. I sabatan daka' haha aijo' tinulismo na to sanggo-sanggo nu sampulu' ka' ohua' na tulunan mae nu bansa Israel.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

YEHEZKIEL 47:13

Tumpu Anu Matangkas na Kuasanyo notatae, “Aiya na potempasan nu tano' haha aijo' anu obagi-bagiakon hi aha sampulu' ka' ohua' na tulunan nu bansa Israel. Tulunan nu bansa i Yusuf nohumpak ohua' na bahagian.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

EZRA 6:17

I lamean aijo' aha nonsombahkonmo hi Tumpu 100 na sapi' lakinyo, 200 na domba lakinyo ka' 400 na anak nu domba. Bau koloban pongampuni dosa' sinombahkonmo sampulu' ka' ohua' na mee' lakinyo, anu tinanggungkan mae hi aha totosa'angu' natulunan nu bangsa Israel sa'angu'na mee' lakinyo.

NOSABATMO 24:4

Lapas aijo' i Musa nontulismo iwi-iwi' na palentah nu Tumpu. Dodododopnyo subu-subu pinotinjonyomo na mezbah sa'angu' tiba sampulu' ka' ohua' na batu i tengke nu bungkutnyo aijo'; toto sa'angu' na batu mowakini sala'sa'angu' na bansa Israel.

KAJADIAN 33:20

Lapas aijo' ia nompotinjomo mezbah ikiijo' ka' sinanggohannyomo “El, Tumpu Allah nu aha Israel”.

KAJADIAN 32:29

I Yakub notatae, “Poto'i mae na sanggo nu Belento Tuan.” Panyo mian aijo' nontaami, “Madi' palalu nu pokilawa ihe na sanggongku!” Lantas binalakatan-Nyomo na i Yakub.