1 TOMU-TOMUNDO' 17:18 - KITAB NU TUMPU ALLA LELE MA'IMAI'

¹⁸ Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”

1 TOMU-TOMUNDO' 17:18 ပူးပေါင်းရင်းမြစ်များ

KAJADIAN 44:16

“Apaa na anu daagi' otaloakon mami o Tuanku?” Tinaaman i Yehuda. “Mosia na kami timbali monggagakon ka' mompototu'u butong mami? Tumpu Allah nompotoamo kasala'an mami. Uuka aiya kami iwi-iwi' timbalimo posaihon nu belento Tuan, misa' ola hi ia anu pinohumpakan mangko' aijo'.”

KAJADIAN 50:15

Salatan tuuma nu aha sinilakamo, to utu-utus tu'a i Yusuf notataemo, “Mosia de i Yusuf daagi' mongka'idekakon kasala'anto naipuan mae ka' ia kahanda'mo mombalosakon?”

KAJADIAN 50:17

ia nompokaumo kami mompoto'i hi beleyum sumo uuka, 'Ampuniakon mae na kasala'an anu naipuan mae binaumo nu to utu-utus tu'a hi beleyum.' Jadi, salaku to posa-posaihon nu Tumpu Allah anu nusombah nu tuumanto, okakase mami, ampuniakon mae na kasala'an anu binaumo mami.” I Yusuf i humangmo salatan i hongonyomo na potuunon aijo'.

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

2 SAMUEL 19:22

Panyo i Daud notatae i Abisai, ka' hi Yoab utusnyo tu'a, “Boli mae monggalo'i pikilanku. Kadaka' belemiu momposusa'mo mae aku? Sinaa aiya aku po ule'mo binau tomundo' nu aha Israel ka' madi'mo timbali ko mian nu Israel anu ohukum mate.”

1 TOMU-TOMUNDO' 12:22

Panyo Tumpu Allah nonsaimo i Nabi Semaya.

1 TOMU-TOMUNDO' 13:1

Tempo'nyo aitu daagi' ko nabi samian kiijo' i Yehuda. Ia pinokau nu Tumpu da mamba i Betel. Nabi aijo' tinoka i kiijo' tempo'nyo i Yerobeam hau-haunyo tinjo-tinjo i ahop nu mezbah monsombahkon koloban.

1 TOMU-TOMUNDO' 17:17

Madi' pinin anak nu balu aijo' nasakitmo. Sakitnyo kino pintu-pintuangnyomo sahingga ia sinilakamo.

1 TOMU-TOMUNDO' 17:19

Tinaaman i Elia, “Boa mae na anak atina' mo'uuka.” Lantas ingalamo i Elia na anak momo'ane aijo' anu aijo' hi tinanyo, ka' binoanyo i salipi' anu aita' mae i bawonyo, i salipi' anu kinajojoongan i Elia. Anak aijo' pinomale'mo i Elia i kamale'annyo,

1 TOMU-TOMUNDO' 18:9

Tinaaman i Obaja, “Apaa na kasala'anku sahingga belento Tuuma nombee' mo aku hi Ahab da opateimo?

1 TOMU-TOMUNDO' 20:28

Lantas tinokamo na nabi samian hi Tomundo' Ahab ka' nompoto'i, “Sumo uuka na pinoto'i mae nu Tumpu: 'Kalana mian nu Siria haha aijo' monsangka tukoonyo Aku ola mongkuasai bungkutnyo panyo' hatanyo madi', jadi Ku po'untungmo na belemiu mahampate mongewa suludadu nu aha anu talalo hondo manjoo'. Beleyum ka' mian anu nu palentah monsumbu'je taalu' Akumo na Tumpu.’ ”

2 TOMU-TOMUNDO' 1:9

Lantas ia nonsaimo samian na suludadu anu matangkas na pangkatnyo ka' aha limampulu' na to sulu-suludadu da mamba mohakop i Elia. Suludadu anu matangkas na pangkatnyo aijo' nambamo lantas siningkabotmo i Elia hau-haunyo suha-suhang i sa'angu' na puge'nyo. “He, posaihon nu Tumpu Allah,” na koonyo nu suludadu anu ko pangkatnyo aijo', “beleyum pinalentahmo i tomundo' da mintudunmo mae!”

2 TOMU-TOMUNDO' 3:13

“Kadaka' momoita tulungmo hi belengku?” na koonyo i Elisa hi tomundo' Israel. “Lako'mo ahi' mamba hi to nabi-nabi nu tu'anyo nu belemiu!” “Madi'!” na koonyo i Yoram. “Kalana Tumpu na nongusahakon da kami totolu' obee'mo hi tomundo' Moab.”

2 TAWARIKH 35:21

panyo i Nekho nompotuunmo mae sumo uuka na koonyo toka hi Yosia, “Pahampatean aiya misa' mongkasosoli beleyum, tomundo' nu Yehuda! Aku toka misa' mongewa beleyum, panyo mongewa to sampo-sampo bali'ku ka' Tumpu Allah nompalentahmo mae aku da sampamo obau na palentah aiya. Tumpu Allah na aiya monsangaja'i aku, kalana aijo' boli molawan Ia, dumo saidi' mae Beleyum nu pateimo.”

AYUB 13:23

Sangkukamo na konjoo'nyo na sala' ka' dosa' anu binaungkumo? Iwi-iwi' na kasala'an anu binaungkumo tionyo ahi' poto'imo mae Nu Belento!

AYUB 13:26

Tinantukanmo nu Belento na ukunku anu ma'idek hondo hi belengku; binalosakonmo nu Belento na kasala'anku tempo'nyo aku daagi' olitau.

NOMBILANGMO 5:15

Ohu-ohua' na han aijo' langkai'nyo aijo' tionyo ahi' momboa bengkele'nyo hi imam. Ia mule' tionyo ahi' momboa palasombahan apaa na anu palalu osombahkon aijo'mo sa'angu' na kilogram na labu nu gandum. Labu aijo' madi' timbali odudu'i nu lanya' nu zaitun kabai okakambuhi nu kamangian, kalana palasombahan aijo' mongkona i han anu sala'je o insi-insibi ka' salaku bau pontandai kalana langkai'nyo nonginsi-insibimo bengkele'nyo.

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

MARKUS 6:16

Salatan i Herodes nohongo aijo', ia notatae, “Totu'u aiya i Yohanes anu Mompalamandikan anu u'utu mae sinaingkumo da okolongakon na ubaknyo. Uuka aiya ia po'ule'mo tinumuu'!”

LUKAS 4:34

“O Yesus, mian nu Nazaret, apaa na anu ka'oho' obaunto hi kami? Beleyum toka monsilakai kami? Kusumbu' ihe na beleyum; beleyum posaihon nu mian susi' lengkat mae hi Tumpu!”

LUKAS 5:8

Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”

LUKAS 8:28

Salatan nontoa i Yesus, ia noloboo'mo, lantas tinolodadupumo i ahop i Yesus, ka' notatae daka-daka', “Yesus Anak nu Tumpu Anu Matangkas na Kuasanyo! Nu posiamo na aku aiya? Ku poita boli monsakisa aku!”

YOHANES 2:4

I Yesus nontaami, “Kita tina boli mompokau Aku. Ma'isa toka na tempo'nyo Aku momponyata' butong-Ku.”

TO MIA-MIAN KOPIAN 13:6

Lapas aijo' bengkele' i Manoah nambamo hi langkai'nyo ka' notatae, “O langkai'ku, daagi' ko posaihon nu Tumpu Allah tinoke hi belengku; mimbalu-balu' susumo malaekat nu Tumpu Allah sahingga aku nabuhukmo. Aku madi' nompokilawa pa' lengkat mae iya na ia, ka' ia mule' madi' nompoto'i sanggonyo hi belengku.

1 SAMUEL 16:4

I Samuel nombaumo susumo anu pinoto'imo nu Tumpu. Salatan ia tinokamo i Betlehem, to pola-polaya' kiijo' i kota' kinobanga-bangangmo na nolabot ia, ka' nompokilawa, “Pa' katokaan nu belento Tuuma aiya momboa mae kasalamatan?”