1 TOMU-TOMUNDO' 17:17 - KITAB NU TUMPU ALLA LELE MA'IMAI'

¹⁷ Madi' pinin anak nu balu aijo' nasakitmo. Sakitnyo kino pintu-pintuangnyomo sahingga ia sinilakamo.

1 TOMU-TOMUNDO' 17:17 ပူးပေါင်းရင်းမြစ်များ

1 PETRUS 4:12

To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

YAKOBUS 2:26

Yo, susumo butong madi'mo ko rohnyo atina' butong anu i sinilakamo, sumo aitumo suele na iman de madi' ko bukuti'nyo i han anu ma'ima', atina' iman anu sinilakamo.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YOHANES 11:14

Kalana aijo' i Yesus notatae hi aha sahondo-hondonyo, “I Lazarus i natemo.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

MAZMUR 104:29

De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

AYUB 34:14

De bisuannyo Tumpu Allah mombubutmo nyawa nu manusia ka' po'ule'mo mongala santuu'nyo anu mompotumu' ia,

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

1 TOMU-TOMUNDO' 17:16

Ka' susumo anu pinoto'imo nu Tumpu da nu potokakon i Elia, mangko' aijo' saja'mo kino isinyo labu ka' boton mule' aijo' saja'mo ko isinyo lanya'.

1 TOMU-TOMUNDO' 17:18

Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”