1 TOMU-TOMUNDO' 16:30 - KITAB NU TUMPU ALLA LELE MA'IMAI'

³⁰ Ia saja'mo nombau dosa' anu lebe daka' i mata nu Tumpu, ilingkuduannyomo na to tomu-tomundo' anu ma'isa pe'e kino ianyo.

1 TOMU-TOMUNDO' 16:30 ပူးပေါင်းရင်းမြစ်များ

1 TOMU-TOMUNDO' 16:25

I Omri saja'mo nombau dosa' anu lebe daka', i lingkuduannyomo na anu lewa' binau nu to tomu-tomundo' anu nompalentahmo ma'isa pe'e kino ianyo.

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

1 TOMU-TOMUNDO' 14:9

Panyo beleyum nombaumo kalakuan anu lebe ma'idek molingkudui apaa na anu binaumo nu aha anu nompalentahmo tempo'nyo ma'isa pe'e kino beleyumnyo nompalentah. Beleyum nohikumo Aku sahingga Aku pinusamo kalana nombaumo bapilogotan ka' mule' to pato-patong tambaga da osombah.

2 TOMU-TOMUNDO' 3:2

Ia nombaumo kalakuan anu ma'idek i mata nu Tumpu, panyo ia madi' ahi talalo mombau kalakuan anu susumo binaumo i Ahab tiba i Izebel, tu'anyonyo. Patong anu binau nu tuumanyo bau ponsomban Baal i hobo'akonnyomo.

1 TOMU-TOMUNDO' 16:33

Binaunyo mule' patong pilogot Boune Asyera. Manjoo' hondo na dosa' anu binaunyomo molingkudui anu binau nu to tomu-tomundo' iwi-iwi' i Israel anu nompalentahmo ma'isa pe'e kino iannyo. Kalana aijo' ia nonsaduakonmo sahingga Tumpu notambuha'mo, Tumpu Allah anu tionyo ahi' osombah nu mian nu Israel.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 16:29

I taun ko tolumpulu'nyomo ka' ualu' na i Tomundo' Asa nompalentah Yehuda, i Ahab anak i Omri tinimbalimo tomundo' nu Israel, ka' nompalentahmo i Samaria inguampulu' ka' ohua' na taun na kinopinnyo.

1 TOMU-TOMUNDO' 22:53

Ia binaladosa'mo hi Tumpu, kalana nombatukimo apaa na anu binaumo nu tuumanyo tiba tinanyo ka' mule' apaa na anu binaumo i Tomundo' Yerobeam anu nonsaduakonmo mian nu Israel nombaumo dosa'.

2 TOMU-TOMUNDO' 9:22

“Pa' Belento toka mae sumo salaku sangalu?” na koonyo i Yoram, hi Yehu. Tinaaman i Yehu, “Misa' sumo sangalu, de i aiya daagi' ko sando manjoo' ka' daagi' ko ponsomban pilogot anu tinampu'unanmo i Izebel tina nu beleyum aijo'?”

2 TOMU-TOMUNDO' 17:2

Ia binaladosa'mo hi Tumpu, panyo dosa-dosa'nyo madi' sumo konjoo'nyo nu dosa' nu to tomu-tomundo' nu Israel anu ma'isa pe'e ia nompalentah.

2 TAWARIKH 21:13

Panyo ola mule' ahi' belento Tomundo tumuu' susumo to tomu-tomundo nu Israel, ka' nonsaduakonmo mian da'isan nu aha Yehuda ka' Yerusalem madi'mo tinu-tulutan hi Tumpu Allah. Belento Tomundo nombaumo apa-apaa susumo i Tomundo Ahab ka' to aha-aha anu nombolosakonmo ia. Ka' mule' to utu-utus nu Belento Tomundo singkapmo pinatean iwi-iwi' nu Belento Tomundo, pada han aha na lebe ma'ima' molingkudui belento tomundo.