1 TOMU-TOMUNDO' 16:2 - KITAB NU TUMPU ALLA LELE MA'IMAI'

² 'Naipuan mae beleyum misa' mian anu talasanggo, panyo' beleyum i hangkat-Kumo binau polaya' nu mian Israel anu pinalesayamo hi beleng-Ku. Uuka aiya beleyum binaladosa'mo susumo i Yerobeam ka' nonsaduakonmo mian nu Israel anu pinalesayamo hi beleng-Ku binaladosa'mo, sahingga Aku notambuha'mo.

1 TOMU-TOMUNDO' 16:2 ပူးပေါင်းရင်းမြစ်များ

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 14:7

Pinsusule'mo ka' poto'i hi Yerobeam sumo uuka na pinoto'i nu Tumpu, Tumpu Allah nu Israel, 'Beleyum pinile'an-Kumo hi aha mian da'isan ka' pinotimbaling-Kumo anu mongkuasai mian nu Israel anu pinalesayamo hi belengku.

1 TOMU-TOMUNDO' 15:26

Susumo tuumanyo anu nompalentahmo ma'isa pe'e kino ianyo, ia mule' suele nombaumo kalakuan anu ma'idek i mata nu Tumpu, sahingga nonsaduakonmo mian nu Israel nombaumo dosa'.

1 TOMU-TOMUNDO' 15:34

Pokakana susumo i Tomundo' Yerobeam anu nompalentah ma'isa pe'e kino ianyo, i Tomundo' Baesa suele binaladosa'mo hi Tumpu ka' nonsaduakonmo mian nu Israel suele nombaumo dosa'.

NOSABATMO 32:21

Ia notatae hi Harun, “Apaa na anu binaumo nu aha hi beleyum sahingga beleyum nompojohokmo aha nombau dosa' anu daka' hondo?”

YEREMIA 7:18

To ana-anak mongato mae kau' anu oposun, to momo'ane momposun apu ka' to bou-boune monggalo anu okompo-kompon bau kukis anu pontalakani pilogot anu osa-osanggohi nu aha Tomundo boune nu Suluga'. Ka' da bau ponsakiti nu aha kinyonyoang-Ku aha nonsombahkonmo anggur hi to pilo-pilogot sangga'at.

MATIUS 5:19

Sabab kalana aijo', ihe na molanggai sala'sa'angu' na palentah haha aijo' mau mule' talalo ise' ka' mongajan mian sangga'at, mombau sumo aitu mule' timbali anu talalo ise' hi mian anu palesayamo hi Tumpu. Panyo mule' ihe na mompojalan pale-palentah aijo', ka' mongajan mian sangga'at mombau sumo aitu mule', timbali daka' hi mian anu palesayamo hi Tumpu.

LUKAS 1:52

To Tomu-tomundo tinauhakon-Nyo na pangkatnyo ka' mian loloison i hangkatakon.

1 SAMUEL 2:24

Boli daagi mombau sumo aijo', belemiu anakku. Ma'idek hondo apaa na anu lewa' nu sisik nu mian anu pinalesayamo hi Tumpu mongkona belemiu!

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.

1 SAMUEL 26:19

O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.