1 TOMU-TOMUNDO' 16:13 - KITAB NU TUMPU ALLA LELE MA'IMAI'

¹³ I Baesa tiba i Ela, anaknyo nonsombahmo to pilo-pilogot ka' mule' nonsaduakonmo mian nu Israel nombaumo dosa'. Kalana aijo' aha nonsaduakonmo da Tumpu nontambuha', Tumpu Allah na anu tionyo o sombah nu mian Israel.

1 TOMU-TOMUNDO' 16:13 ပူးပေါင်းရင်းမြစ်များ

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 15:16

Tempo'nyo i tomundo' Asa nompalentahmo Yehuda ka' i Tomundo' Baesa nompalentahmo Israel, saja'mo nahampate na ua-ua'aha aijo'.

1 TOMU-TOMUNDO' 15:30

I Yerobeam binaladosa'mo ka' nonsaduakonmo mian nu Israel suele binaladosa'mo. Tiba han sumo aijo' sahingga i Yerobeam nonsaduakonmo da Tumpu Allah anu nu sombah nu mian Israel notambuha'mo.

1 TOMU-TOMUNDO' 16:26

Pokakana susumo i Yerobeam i Omri suele binaladosa'mo ka' nonsaduakonmo mian nu Israel binaladosa'mo ka' nonsombahmo pilogot. Kalana aijo' aha nonsaduakonmo sahingga Tumpu notambuha'mo. Tumpu Allah na anu tionyo ahi' osombah nu mian Israel.

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.