1 TOMU-TOMUNDO' 15:18 - KITAB NU TUMPU ALLA LELE MA'IMAI'

¹⁸ Kalana aijo' i Tomundo' Asa nongalamo iwi-iwi' na mosoni' ka' salaka anu daagi' kiijo' i Laigan nu Tumpu ka' i laigan nu tomundo' lantas pinakatuanyomo i Damsyik hi Benhadad tomundo' nu aha Siria anak i Tabrimon, makumpu i Hezion. Balang haha aijo' pinakatu binoa nu aha mian pa' aha sangkuka na anu ko pangkatnyo i laigan nu tomundo', ka' pinotuunnyo sumo uuka:

1 TOMU-TOMUNDO' 15:18 ပူးပေါင်းရင်းမြစ်များ

KAJADIAN 14:15

Ikiijo' mae i Abram nombagimo to mia-miannyo pinaha tompu-tompuknyo lantas nontumbuhimo sampobali' nu aha pihi-pihi ka' nompatundu'mo aha. Ia nololoi'mo aha tinoka-toka kiijo' mae i Hoba sasu utara kota Damsyik.

KAJADIAN 15:2

Panyo notatae na i Abram, “Tumpu Anu Matangkas hondo na kuasanyo, Tumpu madi' mae mombee'i anak aku. Mian anu mongala halata'ku olamo i Eliezer, posaihonku anu lengkat mae i Damsyik. Jadi apaamo na ma'ananyo Tumpu mombee'i mae aku tambo?”

1 TOMU-TOMUNDO' 14:26

Iwi-iwi' na pakakas anu mahan na olinyo i uno nu Laigan nu Tumpu tiba i laigan nu tomundo' ka' mule' to kanta-kanta anu mosoni' na pinoki bau i Salomo pinahuhuakonnyomo.

1 TOMU-TOMUNDO' 15:15

Iwi-iwi na mosoni' tiba salaka anu sinombahkonmo nu tuumanyo hi Tumpu po'ule'mo binoanyo i Laigan nu Tumpu, sumo aitu mule' na mosoni' ka' salaka anu iamo na nonsombahkon.

2 TOMU-TOMUNDO' 12:17

Tempo'nyo aitu i Hazael tomundo' nu Siria nontumbuhimo ka' nonjojoongimo kota' Gad. Lantas ia binatanga' mule' montumbuhi Yerusalem.

2 TOMU-TOMUNDO' 12:18

Sahingga i Yoas nompakatumo doi da bau pontobus hi ia. Doi aijo' iwi-iwi' i humpaknyo hi anu osombahkon nu mian anu u'utu pe'e mae binee'mo i Yoas ka' i Yosafat. I Yoram ka' i Ahazia hi Tumpu, aijo'mo to tomu-tomundo' anu nompalentahmo ma'isa pe'e kino ianyo. Ka' suele iwi-iwi' na mosoni' i uno nu peti' ise-ise' anu kiijo' i Laigan nu Tumpu ka' i laigan nu tomundo'. Sahingga i Hazael madi'mo sinida na nontumbuhi Yerusalem.

2 TOMU-TOMUNDO' 12:19

Lapas aijo' to mia-mian anu ko pangkatnyo mokalaja i kakalaja'an Yehuda nosa'angu'mo da mongewa i Tomundo' Yoas. Ua aha anu aijo' i sangalu nu aha; aijo'mo i Yozakar anak i Simeat, ka' i Yozabad anak i Somer, nompateimo i Yoas i sa'angu' na laigan anu pinotinjo i tambunan nu tano' i sasu kabete'an Yerusalem, i jalan mintudun mokaiyong i Sila. I Yoas i lamun i tampat pinolamunan to tomu-tomundo' i Kota Daud i Amazia anaknyo na tinimbali tomundo' nombolosi ia. Sisikon sangga'at mongkona i Tomundo' Yoas tinulismo i Uno nu Kitab Sisikon nu to Tomu-tomundo' nu Yehuda.

2 TAWARIKH 15:18

Iwi-iwi' na mosoni' ka' salaka ka' mule' balang sangga'at anu i humpak pinahuhuakon i pahampatean anu nu tuumanyo ka' mule' anunyo suele pino una'nyomo i Laigan nu Tumpu da baumo anu nu Tumpu.

YEREMIA 49:27

Pagan mesen nu kota' Damsyik Ku papumo, ka' iwi-iwi' na laigan i Tomundo' Benhadad Ku toyo'imo. Aku, Tumpu, Anu Mahakuasa hondo notataemo.”

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.