1 TOMU-TOMUNDO' 14:9 - KITAB NU TUMPU ALLA LELE MA'IMAI'

⁹ Panyo beleyum nombaumo kalakuan anu lebe ma'idek molingkudui apaa na anu binaumo nu aha anu nompalentahmo tempo'nyo ma'isa pe'e kino beleyumnyo nompalentah. Beleyum nohikumo Aku sahingga Aku pinusamo kalana nombaumo bapilogotan ka' mule' to pato-patong tambaga da osombah.

1 TOMU-TOMUNDO' 14:9 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 14:22

Bansa Yehuda nombaumo kalakuan anu ma'idek i mata nu Tumpu. Apaa na anu binaumo nu aha lebe ma'idek nolingkuduimo apaa na anu binaumo nu mompolee' nu aha ka' lebemo mule' nonsaduakon Tumpu notambuha' hi aha.

1 TOMU-TOMUNDO' 15:29

Madi' pinin salatan i Baesa tinimbalimo tomundo', pinateannyomo iwi-iwi' na aha salaigan i Yerobeam. Susumo koonyo nu Tumpu anu pinoto'i-Nyomo hi posaihonnyo i Nabi Ahia mian nu Silo, jadi aha iwi-iwi' salaigan i Yerobeam pinateanmo, madi' ko anu samian na pinotumuu'.

1 TOMU-TOMUNDO' 15:30

I Yerobeam binaladosa'mo ka' nonsaduakonmo mian nu Israel suele binaladosa'mo. Tiba han sumo aijo' sahingga i Yerobeam nonsaduakonmo da Tumpu Allah anu nu sombah nu mian Israel notambuha'mo.

1 TOMU-TOMUNDO' 15:34

Pokakana susumo i Tomundo' Yerobeam anu nompalentah ma'isa pe'e kino ianyo, i Tomundo' Baesa suele binaladosa'mo hi Tumpu ka' nonsaduakonmo mian nu Israel suele nombaumo dosa'.

1 TOMU-TOMUNDO' 16:25

I Omri saja'mo nombau dosa' anu lebe daka', i lingkuduannyomo na anu lewa' binau nu to tomu-tomundo' anu nompalentahmo ma'isa pe'e kino ianyo.

1 TOMU-TOMUNDO' 16:30

Ia saja'mo nombau dosa' anu lebe daka' i mata nu Tumpu, ilingkuduannyomo na to tomu-tomundo' anu ma'isa pe'e kino ianyo.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 16:33

Binaunyo mule' patong pilogot Boune Asyera. Manjoo' hondo na dosa' anu binaunyomo molingkudui anu binau nu to tomu-tomundo' iwi-iwi' i Israel anu nompalentahmo ma'isa pe'e kino iannyo. Kalana aijo' ia nonsaduakonmo sahingga Tumpu notambuha'mo, Tumpu Allah anu tionyo ahi' osombah nu mian nu Israel.

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

2 TOMU-TOMUNDO' 23:26

Panyo' kalakuan i Tomundo' Manasye nonsaduakonmo da Tumpu nontambuha'imo aha Yehuda; ka' tambuha'nyo aijo' ma'isa pe'e tinompo'ule' na'ima'.

2 TOMU-TOMUNDO' 3:3

Panyo susumo i tomundo' Yerobeam anak i Nebot anu nompalentahmo ma'isa pe'e kino ianyo, suele nonsaduakonmo mian nu Israel binaladosa'mo ka' madi' mongka'oho' belenti na mombau han aijo'.

2 TAWARIKH 11:15

I Yerobeam nosi hangkatmo to ima-imam anu mokalaja i iwi-iwi' na tampat ponsomban pilogot ka' monsombahmo to tinu-tinumpu ka' patong sapi' anu pinosi baunyo.

2 TAWARIKH 33:6

To ana-anaknyo sinombahkonnyomo salaku koloban anu opotunu i Bangka'nyo nu Hinom. Ia mule' binasandomo, da monsumbu' alati'nyo nu mandala' pangalahuan, ka' binalatapamo hi to roh-roh anu ma'idek. Ia binala dosa'mo hondo hi Tumpu, sahingga nonsaduakonmo da tinambuha'anmo nu Tumpu.

NEHEMIA 9:25

Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 106:29

Han anu binaumo nu aha aijo' nonsaduakonmo da Tumpu notambuha', sahingga aha kinonamo nu panyakit anu molele anu okabuhuk hondo.

MAZMUR 50:17

Kalana beleyum madi' mongka'oho' montalima pokinde'-Ku, ka' monggagakon iwi-iwi' na palentah-ngKu.

MAZMUR 78:40

Talalomo ahi' na aha saja' notumuhuk hi Ia, ka' nonsakiti kinyonyoa-Nyo tempo'nyo aha kiijo' mae i tampat padang anu mateges.

MAZMUR 78:56

Panyo aha notomuhukmo ka' nonguji'mo Tumpu Anu Matangkas na Kuasanyo, palentah-Nyo iwi-iwi' madi'mo tinulutan nu aha.

MAZMUR 78:58

Aha madi'mo nohongo-hongo Tumpu Allah, tandanyo aijo'mo aha nombaumo tampat ponsomban pilogot, ka' ia madi'mo sinanang hi aha kalana patong nu aha haha aijo'.

NOSABATMO 34:17

Boli mombau ka' monsombah to pilo-pilogot anu otutuk nu tukang.

YEREMIA 32:18

Belento nompotoamo kalibosan nu Belento anu sampe toka sidu-sidutu hi aha momada-madala na mian, panyo Belento mule' ahi' mohukum mian kalana dosa' nu tu'anyo nu aha. Belento Tumpu Allah anu talasanggo ka' baani; sanggo nu Belento Tumpu Anu Mahakuasa.

YEREMIA 7:18

To ana-anak mongato mae kau' anu oposun, to momo'ane momposun apu ka' to bou-boune monggalo anu okompo-kompon bau kukis anu pontalakani pilogot anu osa-osanggohi nu aha Tomundo boune nu Suluga'. Ka' da bau ponsakiti nu aha kinyonyoang-Ku aha nonsombahkonmo anggur hi to pilo-pilogot sangga'at.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEHEZKIEL 23:35

Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

YEHEZKIEL 8:17

Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

TO MIA-MIAN KOPIAN 5:8

Salatan Israel nonsombahmo pilogot, sinidamo na pahampatean i lipu' nu aha; aha anu 40.000 na suludadu nu bansa, mau pe'e ola samian madi' ko anu nontangkakon pimuhuknyo.