1 TOMU-TOMUNDO' 14:6 - KITAB NU TUMPU ALLA LELE MA'IMAI'

⁶ Panyo salatan i Nabi Ahia nohongomo lajangnyo uutumo i sabatan ia notataemo, “Imbo' pinsoop mae ku sumbu' na beleyum bengkele' i Yerobeam. Boli mingadi-adi'. Daagi' ko lele anu ma'idek toka hi beleyum.

1 TOMU-TOMUNDO' 14:6 ပူးပေါင်းရင်းမြစ်များ

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

MARKUS 14:21

Memang Anak nu Mian mate sumo anu tinulis i uno nu Kitab nu Tumpu. Panyo palias na ko ideknyo mian anu mongkabisa'i Anak nu Mian aijo'! Sahanyo mian aijo', ia madi' pinohampe!”

MAZMUR 33:10

Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

1 TOMU-TOMUNDO' 20:42

Sahingga notataemo na nabi aijo' hi tomundo', “Aiyamo na anu tinaloakonmo nu Tumpu: 'Mian anu pinalentah-ngKumo da opatei ola pinojohok da malai. Kalana aitu tionyo ahi' beleyum mate da bau pontokong Suludadu nu beleyum timbali mohopu' kalana nompopilayamo suludadu nu sampo bali' nalaimo.’ ”

1 TOMU-TOMUNDO' 14:5

Panyo Tumpu nompoto'imo hi ia, tukoo-Nyo bengkele' i Yerobeam uutumo mae, toka mae mompokilawa pa' mosia na anaknyo kiijo' masakit. Ka' Tumpu mule' ahi' nompoto'imo hi Nabi Ahia mosia na anu tionyo nu poto'i saidi mae. Salatan bengkele' i Yerobeam tinokamo kiijo' ia ningadi-adi'mo susumo mian sangga'at.

1 TOMU-TOMUNDO' 14:2

I Yerobeam notataemo hi bengkele'nyo, “Soba posadia ka' lako' i Silo hi laigan i Nabi Ahia anu nompoto'imo u'utu mae tukoonyo aku baumo tomundo' nu Israel. Panyo pibaju na beleyum susumo mian popololo da madi' nu sumbu' nu mian na beleyum.

1 SAMUEL 28:18

Beleyum madi'mo nontuluti palentah nu Tumpu ka' madi'mo nongka'oho' nompatei aha mian nu Amalek tiba halata' nu aha. Mokonyo aijo' beleyum binaumo nu Tumpu susumo aiya.

1 SAMUEL 15:26

Panyo tinaaman i Samuel, “Aku madi'mo mongka'oho' minsusule' hingga-hinggat tiba belento Tomundo'. Belento Tomundo' madi'mo nohongo-hongo palentah nu Tumpu, ka' uuka aiya Ia madi'mo mongakui belento Tomundo' timbali Tomundo' nu aha Israel.”

1 SAMUEL 15:16

Nohongo sumo aijo' i Samuel notataemo, “Soba hongo pe'e mae da kupoto'i apaa na anu ihongongkumo na uutu pihi-pihi pinoto'i nu Tumpu Allah hi belengku.” “Soba poto'i mae,” na koonyo i Saul.

1 TOMU-TOMUNDO' 14:7

Pinsusule'mo ka' poto'i hi Yerobeam sumo uuka na pinoto'i nu Tumpu, Tumpu Allah nu Israel, 'Beleyum pinile'an-Kumo hi aha mian da'isan ka' pinotimbaling-Kumo anu mongkuasai mian nu Israel anu pinalesayamo hi belengku.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.