1 TOMU-TOMUNDO' 14:4 - KITAB NU TUMPU ALLA LELE MA'IMAI'

⁴ Jadi nambamo na bengkele' i Yerobeam hi laigan i Nabi Ahia kiijo' mae i Silo. Nabi aijo' madi'mo montoa-toa kalana ia i langkai'mo hondo.

1 TOMU-TOMUNDO' 14:4 ပူးပေါင်းရင်းမြစ်များ

KAJADIAN 27:1

Daagi' kino sansinaan, salatan i Ishak i langkai'mo ka' mule' pinahamo, i laganyomo na i Esau anaknyo anu tumpenyo, lantas notataemo hi ia, “Anakku!” “Apaa, Tuuma”, tinaaman i Esau.

KAJADIAN 48:10

I Yakub madi'mo manasa na montoa kalana i langkai'mo hondo ka' matanyo pinahaamo. I Yusuf nompo'ohanimo to ana-anaknyo aijo' hi Yakub, lantas tinanggogolannyomo ka' ingookannyomo na aha.

1 TOMU-TOMUNDO' 11:29

Daagi kino sansinaan i Yerobeam nosabatmo lengkat i Yerusalem. Hau-haunyo ia itonga' nu jalan kiijo' i padang ia ilambananmo mae i Nabi Ahia anu lengkat mae i Silo, tempo'nyo aitu ia nompusok mae juba' anu daagi' bu'ou.

1 TOMU-TOMUNDO' 14:2

I Yerobeam notataemo hi bengkele'nyo, “Soba posadia ka' lako' i Silo hi laigan i Nabi Ahia anu nompoto'imo u'utu mae tukoonyo aku baumo tomundo' nu Israel. Panyo pibaju na beleyum susumo mian popololo da madi' nu sumbu' nu mian na beleyum.

MAZMUR 90:10

Kopinnyo nu kantumuu'an mami ola pitumpulu' na taun de kami mahoson, yo montokai ualumpulu' na taun. Panyo madi' mo sanang ka' sansalamo na ota'up mami; salatan tumuu'mo sasaingoni', kami mule' madi'mo ahi' otoa-toa.

ANU MOMPOLELE POTATAE NU TUMPU 12:3

Botokon nu belemiu ilakatnyomo ka' madi'mo ko anu monjagai mae. Tengke nu belemiu anu mamahoson aijo' tasala'mo ka' madi'mo mahoson. Bese' nu belemiu madi'mo sampa' na bau ponyaing anu okaan. Mata nu belemiu pinahamo sahingga madi'mo manasa na montoa.

PO'ULE' INGULIT 34:7

I Musa sinilaka umunnyo sa'atumo ka' uampulu' na taun. Kahosonannyo madi' naga'a ka' matanyo daagi ahi' montoa-toa.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

1 SAMUEL 3:2

Daagi kinosampahuan i Eli anu langkaimo hondo aijo' ka' ohanimo paha aijo' hau-haunyo hoyo-hoyot, i salipi' anu lewa' kamale'annyo,

1 SAMUEL 4:15

Umun i Eli siompulu'mo ka' uwalu' na taun ka' mule' ia gio-giomo paha.