1 TOMU-TOMUNDO' 14:23 - KITAB NU TUMPU ALLA LELE MA'IMAI'

²³ Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

1 TOMU-TOMUNDO' 14:23 ပူးပေါင်းရင်းမြစ်များ

PO'ULE' INGULIT 12:2

De belemiu ninsoopmo i lipu' aijo' belemiu tionyo ahi' mongidei tampa-tampat ponsomban aita' i bungkutnyo anu to tangka-tangkas ka' i puge'nyo iwi-iwi' ka' i patu nu kau' anu toto hohopo' na honnyo, tampat nu bansa anu jojoong ikiijo' monsombah to pilo-pilogot nu aha.

YESAYA 57:5

Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

MIKHA 5:14

Tambuha'-Ku anu tala-talalomo hondo sahingga Ku balosakonmo na palabuatan nu aha anu ma'i-ma'idek aijo' iwi-iwi', kona hi aha bansa anu madi' tulu-tulutan hi beleng-Ku.”

YEREMIA 17:2

Belemiu mian monsombah aijo' i mezbah-mezbah tiba ohii' nu bapilogotan anu pinotinjomo ponsomban Pilogot boune Asyera itoto sa'angu' na kau' anu tambok na honnyo, ka' mule' aita' mae ibawo nu puge'nyo iwi-iwi',

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

2 TAWARIKH 28:4

I Ahas nonsombahkonmo koloban ka' nompapui kamangian i tampat anu lewa' ponsombaan pilogot aita' mae i to bungku-bungkutnyo ka' i patu nu to kau-kau' anu toto' tambo-tambok na honnyo.

1 TOMU-TOMUNDO' 14:15

Tumpu mohukumo Israel sahingga gayu'anmo susumo kau' anu totototon i uee. Nu sabatakonmo nu Tumpu na mian nu Israel ilipu' anu ma'ima' aiya anu binee'-Nyomo hi mompolee' nu aha. Nu ga'a ga'atakonmo na aha mamba i sasu Kaunyo nu Efrat, kalana aha nonsaduakonmo da ia notambuha' kalana aha lewa'mo nombau patong nu Asyera.

1 TOMU-TOMUNDO' 3:2

Kalana ma'isa binau na laigan nu Tumpu tempo'nyo aitu mian da'isan daagi' monsombahkon koloban iayaya mae na tampat.

PO'ULE' INGULIT 16:22

ka' boli mompotinjo ohi', bau ponsomban pilogot, kalana Tumpu Allah nu belemiu mongka'ideki palabuatan aijo'.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

1 TOMU-TOMUNDO' 15:12

Iwi-iwi' na anu lewa' masala' pinojoong i tampat ponsomban pilogot i laa'nyomo, ka' iwi-iwi' na tampat bau bapilogotan anu binaumo nu to tomu-tomundo' anu nompalentahmo ma'isa pe'e kino ianyo, madi'mo pinobee'nyo i songko-songko na lipu'.

1 TOMU-TOMUNDO' 20:23

Suludadu i Tomundo' Benhadad anu toto tangka-tangkas na pangkatnyo nompoto'imo hi Benhadad, “To pilo-pilogot anu nu sombah nu bansa Israel balakuasa' aita' mae i bungkutnyo, mokonyo' aijo' kita pinatundu'mo nu bansa aijo'. Panyo' timbali opoko hungku'into na aha de kita mahampate i hatanyo.

2 TOMU-TOMUNDO' 10:26

ka' nosabatakonmo patong nu Baal lantas pinapuanmo nu aha.

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 17:19

To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

YEHEZKIEL 6:13

Bangke' nu mian anu singkapmo sinilaka motanatamo aijo' itampat-tampat bapilogotan tiba itampat-tampat mezbah, ka' mule sika-sika timpasmo aita' i puge'nyo toto tangka-tangkas, ka' mule' aita' ibawo nu bungkutnyo, ka' mule' ipatuu nu kau' anu toto tambo-tambok na honnyo, ka' mule' i patu nu kau' anu toto daka-daka' na batangnyo, o'alamo kodo-kodo' na sisik, iyaya mae na tampat anu sola' pontunuan nu aha koloban anu nu sombahkon nu aha hi pilogot. Sahingga toto samian monsumbu'je taalu' Akumo ahi' na Tumpu.

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 12:31

Ka' mule' i Yerobeam nompaka baumo mule' tampar sangga'at lewa' ponsomban pilogot i bungkutnyo ka' nohangkatmo to ima-imam anu ingala hi bubu' aha anu misa' lee' mae nu aha tulunan nu bansa Lewi.

2 TOMU-TOMUNDO' 16:4

I Ahas nonsombahkonmo koloban ka' nompapuimo kamangian i tampat haha aijo' anu lewa' ponsomban pilogot i bungkutnyo ka' i patu nu kau' anu toto tambo-tambok na honnyo.

2 TAWARIKH 24:18

Sahingga mian da'isan madi'mo nonsombah Tumpu i Laigan nu Tumpu, Tumpu Allah mompolee' nu aha, panyo nonsombahmo pilogot ka' to pato-patong Pilogot boune Asyera. Dosa' nu aha aijo' nonsaduakonmo da Yoyada ka' Yerusalem tinambuha'anmo nu Tumpu.

YEHEZKIEL 6:3

Palentah na aha da mompotombihing mae ka' mompalahatikan apaa na anu Ku poto'i, Aku Tumpu Anu Matangkas na Kuasanyo mompoto'i hi bungkutnyo haha aita' ka' hi to kele-keles ka' hi to bangka-bangka'nyo. Totu-totu'unyo Ku saimo na bajak da mohansunimo iwi-iwi na tampat ponsomban pilogot.

YEHEZKIEL 6:6

Iwi-iwi' na kota' nu aha Israel ohansunimo, iwi-iwi' na mezbah tiba pilogotnyo o'ideimo ka' oposungkehetmo, anu sola'pompapuan kamangian obiha-biha'mo, ka' mule' iwi-iwi apaa na anu binaumo nu aha madi'mo daagi' otoa.