1 TOMU-TOMUNDO' 14:10 - KITAB NU TUMPU ALLA LELE MA'IMAI'

¹⁰ Kalana aijo' Ku potokamo mae na balaa' hi belemiu sa'anakan. Iwi-iwi' na lee' nu beleyum anu to momo'ane, maumo pa' apaa na pangkatnyo Ku pateimo. Ku ingkotimo na belemiu sa'anakan susumo mian anu mongkahe'i duhehe madi'mo daagi' ko anu tontuha'.

1 TOMU-TOMUNDO' 14:10 ပူးပေါင်းရင်းမြစ်များ

1 TOMU-TOMUNDO' 13:34

Kalakuannyo anu ma'idek aijo' na nonsaduakonmo lee'nyo nohumpak balaa' ka' sinilakamo iwi-iwi'.

1 TOMU-TOMUNDO' 16:11

Madi' pinin salatan i Zimri tinimbalimo tomundo' pinateannyomo iwi-iwi' na aha salaigan i Tomundo' Baesa. Ka' mule' anak nu utus i Baesa iwi-iwi' anu to momo'ane ka' mule' to sanga-sangalu nu aha sa'anakan mae, madi' daagi' ko anu pinotumuu'.

1 TOMU-TOMUNDO' 16:3

Kalana aijo' Ku pateimo na beleyum ka' belemiu salaigan susumo anu binaung-kumo hi Yerobeam.

1 TOMU-TOMUNDO' 21:21

jadi sumo uuka na anu pinoto'imo mae nu Tumpu hi belento Tuan, 'Ku potokamo mae na balaa' hi belemiu. Beleyum ku alinimo ka' batu-batu to momo'ane i uno nu auan nu beleyum, tu'anyo tiba to oli-olitau, Ku silakaimo.

2 TOMU-TOMUNDO' 14:26

Tinoamo nu Tumpu palias na kasansala'annyo nu mian Israel, ka' madi' ko samian pe'e na anu montulungi aha.

2 TOMU-TOMUNDO' 21:13

Yerusalem Ku hukummo susumo Aku mohukum Samaria ka' i Ahab Tomundo' nu Israel tiba lee'nyo. Yerusalem Ku polomosmo susumo lean anu binaso'anmo ka' pinokulub-Kumo.

2 TOMU-TOMUNDO' 9:37

ka' tuuha' nu bangke'nyo aijo' mosungkehetmo susumo anu sala' nu binatang sahingga madi'mo ko samian na monsumbu' pa' bangke' ihe na aiya'.”

AYUB 20:7

panyo ia saidi' mae madi'mo otoa-toa sampe toka sidu-sidutu', madi'mo otoa-toa i dunia kalana han anu moko ambang hondo. To mia-mian anu monsumbu'mo ia, molelekimo, “E, pa' noyamo na ia?”

MAZMUR 83:10

Baumo na aha susumo mian nu Midian, susumo i Sisera tiba i Yabin i Kaunyo nu Kisyon.

YESAYA 14:19

panyo beleyum madi' kinopinolamunan; bangke' nu beleyum ola ingalin susumo sumpe nu kau' anu madi' ko, angga'nyo tinabuhanmo nu bangke' nu to sulu-suludadu anu sinilakamo i uno nu pahampatean, ka' ilumbu'akonmo iliang nu batu susumo bangke' anu pinahampeja'akonmo.

YESAYA 14:23

Babel; Ku potimbalimo tampalang anu nu jojoongimo nu mongkoek. Babel Ku sapuimo sampe belesi'. Aku, Tumpu Anu Daka' na Kuasanyo notataemo.”

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YEREMIA 32:18

Belento nompotoamo kalibosan nu Belento anu sampe toka sidu-sidutu hi aha momada-madala na mian, panyo Belento mule' ahi' mohukum mian kalana dosa' nu tu'anyo nu aha. Belento Tumpu Allah anu talasanggo ka' baani; sanggo nu Belento Tumpu Anu Mahakuasa.

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

YEHEZKIEL 26:4

Aha mohansunimo iwi-iwi' na pagan mesen nu belemiu ka' mule' mohobo'akonmo laigan toto tangka-tangkas anu bau pontanggalakonan sampobali'. Iwi-iwi na tano' anu kiijo' mae Ku sautimo sahingga anu daagi' tontuha' memo ahi' batu sa'angu' anu madi'mo ko anu montumuu'i itotonga' nu ambai.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

ZEFANYA 1:17

Tumpu notatae, “Ku potokamo mae manjoo' hondo na balaa' hi aha mian sahingga aha mahakanyanganmo saidi' mae susumo mian anu napisokmo. Aha binaladosa'mo hi beleng-Ku ka' uuka aiya baso' nu aha saidi' mae mobubusmo susumo uee ka' iwi-iwi' na bangke' nu aha mabusikmo ibawo nu tano'.”

MALEAKHI 2:3

To ana-anak nu belemiu Ku hukumo ka' mule ohup nu belemiu Ku sapuimo nu sengkun nu binatang anu kinolobanakonmo nu belemiu, ka' mule' belemiu oboamo i tambulan nu sengkun.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.

1 SAMUEL 25:22

Sahanyo pateimo mae na aku Tumpu Allah de madi' ku patei iwi-iwi' na to momo'ane anu kiijo' mae ma'isa pe'e bete' na sinaa.

1 SAMUEL 25:34

Tumpu nontewa'mo aku da boli mombau anu ma'idek hi beleyum. Tiba sanggo nu Tumpu, Tumpu Allah nu Israel anu tumuu', de beleyum madi' ampa mae nonsingkaboti aku tantu iwi-iwi' na to posa-posaihon i Nabal i natemo salatan binete'mo na sinaa!”