1 TOMU-TOMUNDO' 13:21 - KITAB NU TUMPU ALLA LELE MA'IMAI'

²¹ sahingga pinisala'annyomo na nabi anu lengkat mae i Yehuda aijo' ia notatae, “Pinoto'i mae nu Tumpu Belento madi'mo nontuluti Ia. Belento madi'mo nombau apaa na anu pinalentahkon-Nyomo hi Belento.

1 TOMU-TOMUNDO' 13:21 ပူးပေါင်းရင်းမြစ်များ

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

ESTER 6:13

Hi bengkele'nyo pinonsisikannyomo ka' hi to sanga-sangalunyo apaa na anu ingoa'annyomo. Jadi bengkele'nyo ka' to sanga-sangalunyo anu toto pande-pande haha aijo', nompoto'imo hi ia, “Kahosonan nu beleyum nu hungku'imo i Mordekhai. Ia mian nu Yahudi, madi' nupoko ala nu beleyum na mongewa ia. Ia na tionyo mohungku'i beleyum.”

1 TOMU-TOMUNDO' 13:17

Tumpu nompalentahmo aku madi' timbali mongkaan kabai monginum ka' madi'mo montulu jalan momona anu kinatuluanku mae de aku minsusule'mo.”

2 SAMUEL 24:13

i Gad tinokamo nangadap hi ia ka' nompoto'i palenta nu Tumpu aijo', ia notatae “Iya na anu opile'i nu belento Tomundo': lipu' aiya nu tokai mae nu balaa' kasusa'an i anu o kaan kopinnyo totolu' na taun; kabai belento Tomundo' lewa' mopalai nu loloi' nu sampo bali' kopinnyo totolu' na bitu'on kabai lipu' aiya nu kona nu panyakit anu molele kopinnyo tolun sinaa? Soba poto'i mae uuka aiya apaa na tionyo ahi' ku potoka hi Tumpu.”

2 SAMUEL 6:7

Sahingga Tumpu pinusamo hi Uza, kalana apaa na anu binaunyomo sumomo nongambangimo Tumpu. I Uza pinatean-Nyomo itampat aijo' koko Peti' Palajanjian.

1 SAMUEL 15:19

Kadaka' belento Tomundo' madi' nontuluti palentah nu Tumpu? Kadaka' belento Tomundo' binilahimo na nongala to langke-langke anu pinahuhuakon, ka'kalana aijo' belento Tomundo' nomposakitmo kinyonyoa nu Tumpu?”.

1 SAMUEL 4:18

Salatan pinoto'imo nu mian aijo' na Peti' Palajanjian aijo' i Eli tinombahangkangmo aijo' suha-suhang i kadelanyo anu aijo' sasu sabatan daka' nu kota'. Ia ilangkai'mo ka' nolompo'mo hondo sahingga salatan tinombahangkangmo aijo' gogohongnyo nopato'mo ka' sinilakamo na ia. Ia nompalentah Israel pinatompulu' na taun na kinopinnyo.

NOMBILANGMO 20:24

“I Harun madi' timbali minsoop i lipu' anu jinanji'-Kumo hi bansa Israel; ia silakamo kalana belemiu atina' ohua' madi'mo nohongo-hongo palentang-Ku koko kiijo' mae i bulakan nu uee Meriba.

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

KAJADIAN 3:7

Noko kaan bua' nu kau' aijo' balomo pikilan nu aha tinabuka', ka' sinumbu'mo nu aha taalu' aha langgo-langgo'. Kalana aijo' butong nu aha kinukubanmo nu aha nu hon nu kau' ara anu sinomotanmo nu aha.

1 TOMU-TOMUNDO' 13:20

Hau-haunyo aha suha-suhang mongkan, Tumpu notataemo hi nabi anu i lalangkai'mo aijo'

1 TOMU-TOMUNDO' 13:22

Belento ninsusule'mo mae ka' nongkaanmo ka' nonginum, padahan Belento tinewa'mo na mombau han aijo'. Kalana aijo' Belento opateimo, ka' bangke' nu Belento madi'mo olamun i tampat polamunan nu Belento sa'anakan.”

1 TOMU-TOMUNDO' 20:36

Lantas pinoto'imo nu nabi aijo', “Kalana beleyum madi' montuluti palentah nu Tumpu beleyum nusa'umo nu singa de beleyum minsusule'mo lengkat i aiya.” Totu'u madi' sala', salatan ia ninsusule'mo lengkat i kiijo', sa'angu' na singa labotmo nonsa'u ia.