1 TOMU-TOMUNDO' 13:2 - KITAB NU TUMPU ALLA LELE MA'IMAI'

² Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

1 TOMU-TOMUNDO' 13:2 ပူးပေါင်းရင်းမြစ်များ

1 TOMU-TOMUNDO' 13:32

Apaa na anu tinaloakonnyomo aijo' pinalentah nu Tumpu mongkona mezbah kiijo' i Betel ka' iwi-iwi' na tampat ponsomban i to kota-kota nu Samaria memang tionyo jadi.”

2 TAWARIKH 34:1

I Yosia umunnyo 8 taunmo tempo'nyo aitu ia tinimbalimo tomundo nu Yehuda, ka' ia nompalentahmo i Yerusalem 34 na taun na kinopinnyo.

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YESAYA 42:9

Uuka aiya anu lewa' kinila-kilang-Ku memang jinadimo; Aku kahanda'mo mompoto'i hahan anu ma'isa toho' jinadi; ma'isa pe'e han aijo' jadi polo'mo Ku poto'i hi beleyum.”

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 1:2

Tumpu notatae hi Yeremia itaun kinosampulu'nyomo ka' totolu' nu i Yosia nompalentah anak i Amon tomundo' nu aha Yehuda.

YEREMIA 22:29

Paya' na lipu'ku, potombihing mae apaa na anu pinoto'imo nu Tumpu,

YEHEZKIEL 36:1

Tumpu notatae, “O manusia anu madi' tumuu' batu, potataemo hi bungkutnyo haha aita' i Israel ka' pokau na aha da mompotombing palentah nu Tumpu Anu Matangkas na Kuasanyo,

YEHEZKIEL 38:4

Ku hela'mo na ia nu kakait anu opokonamo ibagangnyo ka' monsabatakonmo mae ia tiba iwi-iwi' na suludadunyo. Manjoo' hondo na suludadunyo anu monsake'i ajahan ka' nompusokmo baju anu pokakana na buhitnyo. Toto samian na suludadunyo nomboa kanta tiba bajak.

LUKAS 19:40

I Yesus nontaami, “Palesayamo! De aha momohokot, batu-batu haha aiya na moloboo'.”

PO'ULE' INGULIT 32:1

“Potombihing mae langit, aku kahanda'mo motatae; o tano' potombihing mae.