1 TOMU-TOMUNDO' 13:18 - KITAB NU TUMPU ALLA LELE MA'IMAI'

¹⁸ Sahingga nabi anu i langkai'mo aijo' lengkat mae i Betel nombaleko'imo ia, ia notatae “Aku suele nabi susumo Belento. Tumpu nompalentahmo mae malaekat da mompokau aku molabot ka' mombee'i mongkaan Belento i laiganku.”

1 TOMU-TOMUNDO' 13:18 ပူးပေါင်းရင်းမြစ်များ

KAJADIAN 27:24

ia daagi' ninsan na po'ule' nompokilawa, “Totu-totu'u beleyum i Esau?” “Totu'u,” na tinaaman i Yakub.

KAJADIAN 3:13

Tumpu Allah nompokilawamo hi boune aijo', “Kadaka' binau'mo nu beleyum na aijo'?” Tinaamannyo, “Aku ingakalanmo nu ulo, sahingga kinaankumo na bua'nyo nu kau' aijo'.”

1 TOMU-TOMUNDO' 13:19

Sahingga nabi anu lengkat mae i Yehuda aijo' nambamo nokiijo' i laigan nu nabi anu i lalangkai'mo aijo' ka' nongkaan tiba ia.

1 TOMU-TOMUNDO' 20:35

Daagi' ko nabi pa' aha sangkuka na konjoo'nyo, samian na nabi pinalentahmo nu Tumpu da motatae hi sangko nabinyo, doke mae na ia sangalunyo aijo'. Panyo sangalunyo aijo' madi' ahi' mondoke sangko nabinyo aijo'.

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

AMSAL 12:19

Baleko' ola sangkinihap nu sumbu'mo nu mian; panyo potatae anu totu'u tataap sampe toka sidu-sidutu'.

AMSAL 12:22

Tumpu mongka'ideki anu baleko'; panyo Ia sanang hi mian anu madi' tageo' na kinyonyoanyo.

AMSAL 19:5

Mian anu baleko' kiijo' i pomputusian palakala, madi' ko madi'nyo tionyo ahi' o hukumo.

YESAYA 36:10

Osangka nu belemiu kami montumbuhi ka' mompatundu' lipu' nu belemiu misa' bantuan nu Tumpu? Tumpu ahi' na nonsaimo kami montumbuhi ka' mohansunimo.”

YESAYA 9:15

To pola-polaya' nu bansa haha aijo' nombee'imo pangajalan anu madi' totu'u ka' nompokalangkabutmo mian da'isan.

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”

YEREMIA 23:17

Kona hi to mia-mian anu madi' ka'oho' mompotombihing potataeng-Ku, aha saja' montaloakon, ‘Belemiu salamatmo.’ Ka' hi toto samian anu panggaga hondo aha montaloakon, ‘Beleyum madi' mule' mohumpak balaa'.’ ”

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

YEREMIA 29:31

mompolele mongkona i Semaya hi iwi-iwi' na mian nu Israel anu binoamo i Babel'. Sumo uuka na lele aijo', “I Semaya binasisikmo hi beleyum susumo au' aitu ia samian na nabi; padahan Aku, Tumpu na madi' nompalentah ia. Kalana ia nonsaduakonmo belemiu da pinalesaya i potate anu madi' totu'u,

YEREMIA 29:32

ka' mule' kalana ia nompokaumo belemiu da madi' montuluti mae Aku, sahingga Ku hukumo na ia tiba lee'nyo. Madi' ko samian na anu aijo' hi aha na jojoong aiya hi kami da montoa hahan anu ma'ima' anu saidi' mae Ku bau hi aha ingko-ingkot na mian anu palesayamo hi beleng-Ku. Aku, Tumpu notataemo.”

YEREMIA 5:12

Mian anu palesayamo hi Tumpu nontaloakonmo han anu madi' totu'u hi Tumpu. Aha nontaloakon, “Ah, Ia madi' mule' mombau apa-apaa. Kita madi' mule' nu kona nu balaa' ka' madi' mule' monta'up pahampatean kabai kasusa'an i anu okaan.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEHEZKIEL 13:22

To mia-mian anu manonong na kinyonyoanyo anu madi' Ku poposia jinadimo na ambang na aha kalana kabaleko'an nu belemiu. To mia-mian anu ma'idek na kinyonyoa nu aha jinadimo tataap baladosa' ka' madi'mo oposalamat.

NOMBILANGMO 22:35

Panyo malaekat nu Tumpu notatae, “Batukimo mae na aku tiba mian haha aijo'. Panyo beleyum ola timbali montaloakon apaa na anu Ku poki taloakon.” Sahingga i Bileam nolausakonmo lajangnyo tiba aha mian anu sinai mae i Balak aijo'.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

GALATIA 1:8

Mian anu mompolele “lele ma'ima'” anu sangalasan, anu madi' pokakana Lele Ma'ima' anu pinolelemo mami, pojohok da ia nu hukum nu Tumpu – mau pe'e mian aijo' kami, kabai malaikat lengkat mae i suluga'!

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

TO MIA-MIAN KOPIAN 13:3

Panyo daagi' kinosansinaan malaekat nu Tumpu nanintoamo hi ia ka' notatae, “Sumo uukamo na kinopinnyo beleyum madi' nohumpak anak mo'ane.