1 TOMU-TOMUNDO' 12:20 - KITAB NU TUMPU ALLA LELE MA'IMAI'

²⁰ Salatan songko-songko na mian da'isan nu Israel nohongomo taalu' i Yerobeam ninsusule'mo lengkat mae i Mesir, aha nolagamo ia da toka mae i pongobuan lantas i hangkatmo nu aha na ia binau tomundo' nu Israel. Ola mian da'isan tulunan mae nu bansa Yehuda na tataap montuluti lee' mae i Daud.

1 TOMU-TOMUNDO' 12:20 ပူးပေါင်းရင်းမြစ်များ

2 SAMUEL 20:2

Sahingga nambamo na aha mian nu Israel haha aijo', nompala'imo i Daud ka' nombatukimo i Seba. Panyo to mia-mian nu Yehuda na tataap ahi' montuluti ka' monsangalui i Daud lengkat pe'e mae i Kaunyo nu Yordan tinoka-toka i Yerusalem.

1 TOMU-TOMUNDO' 11:13

Panyo madi' songko-songko na kalajaa aijo' Ku ala hi ia. Kalana monginau' posaihon-Ku i Daud ka' mule' monginau' Yerusalem anu binaung-Kumo kota'Ku aijo' sahingga daagi Ku potuha'i sa'angu' na tulunan nu bansa da nu palentah nu anak nu beleyum momo'ane.”

1 TOMU-TOMUNDO' 11:26

Mian sangga'at anu notomuhumo nongewa i Salomo aijo'mo aha mian anu ko pangkatnyo mokalaja hi ia, sanggonyo i Yerobeam. Ia anak i Nebat lengkat mae i Zereda da'erah Efraim. Tinanyo binalumo sanggonyo i Zerua.

1 TOMU-TOMUNDO' 11:32

Sa'angu' na tulunan nu bansa tataap hi Salomo, kalana monginau' posaihon-Ku i Daud tiba Yerusalem anu pinile'an-Kumo ilipu' nu aha Israel songko-songko ka' binaumo kota'-Ku.

1 TOMU-TOMUNDO' 11:35

Kalaja'an aiya madi'mo Ku bee' hi anak mo'ane i Salomo ka' sampulu' na tulunan nu bansa aiya Ku bee'mo hi beleyum.

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

1 TOMU-TOMUNDO' 11:37

Ka' beleyum Yerobeam Ku baumo tomundo' nu Israel ka' mule' Ku pobee'mo mompalentah songko-songko na da'erah iya na anu nu kahanda'i.

1 TOMU-TOMUNDO' 12:17

ka' i Rehabeam tinimbali tomundo' ola i da'erah Yehuda.

2 TOMU-TOMUNDO' 17:21

Salatan Tumpu nongga'atmo Israel da bolimo mosa'angu' tiba Yehuda, mian nu Israel nohangkatmo I Yerobeam anak i Nabot da timbalimo tomundo' nu aha. Lantas i Yerobeam nompalentahmo aha bolimo o palesaya na Tumpu ka' mombaumo iwi-iwi' na dosa' anu toto daka-daka'.

HOSEA 8:4

Mian-Ku anu palesayamo mompile'i tomundo' madi' nu pokilawa pe'e mae nu aha hi beleng-Ku pa' Ku situjui. Aha mohangkat bau polaya' madi' pinaisale' pe'e mae hi beleng-Ku. Aha mongala mosoni' tiba salaka nu aha lantas nu baumo nu aha patong nu pilogot anu nonsaduakonmo aha ihansun.

1 SAMUEL 10:24

Lapas aijo' i Samuel notataemo hi aha mian da'isan, “Aiyamo na mian anu pinile'anmo nu Tumpu, madi' ko anu pokakana aiya hi kita iwi-iwi.” Iwi-iwi' na bansa haha aijo' nolobo'akonmo, “Higahiakon mae na i tomundo'!”