1 TOMU-TOMUNDO' 12:13 - KITAB NU TUMPU ALLA LELE MA'IMAI'

¹³ Madi' pokakana tiba pokinde' nu to tu'a-tu'anyo haha aijo', mian da'isan anu tinoka mae hi ia labot tinaloakonnyo,

1 TOMU-TOMUNDO' 12:13 ပူးပေါင်းရင်းမြစ်များ

KAJADIAN 16:6

Tinaaman i Abram, “Bakasmo, ia posaihon nu beleyum ka' beleyumo na mongkuasai ia; lewa'mo pokau na ia yayamo pongka'oho' nu beleyum.” Lantas saja'mo sinigohan i Sarai na mompokau i Hagar, sahingga ia nopalaimo.

KAJADIAN 42:30

“Gubernur nu Mesir notataemo ma'idek hondo hi kami nontuukmo kami mondoyoni lipu' nu aha.

KAJADIAN 42:7

Salatan i Yusuf nontoamo to utu-utusnyo tu'a, sinumbu'nyomo na aha, panyo ia nimpula-pulamo madi' monsumbu'. Susumo anu motambuha' na ia nompokilawa aha, “Belemiu mian lengkat mae iya?” “Kami mian nu Kana'an. Kami toka mae mongoli anu okaan,” tinaaman nu aha.

2 SAMUEL 19:43

Tinaaman nu aha mian Israel, “Hak mami hi tomundo' lebe daka' pinsampulu' lipat molingkudui hak nu belemiu maumo ahi' i tomundo' daagi julu miu mae. Kadaka' belemiu montemo mae kami? Boli okolilimi, saba' kamimo ahi' na momona hondo nonsale'i da mambamo po ule' o'ala mae na i tomundo'!” Panyo aha mian nu Yehuda na lebe baani na monggagakon sahingga ihungku'an nuaha na mian nu Israel, ka' madi' nongka'oho' tinundu'.

1 TOMU-TOMUNDO' 12:12

Tinoka kino itolunnyo i Yerobeam ka' iwi-iwi' na mian haha aijo' po'ule' mule' nangadap hi Tomundo' Rehabeam, susumo anu pinalentahkonnyomo.

1 TOMU-TOMUNDO' 12:14

susumo pokinde' nu to mia-mian anu pokakana na umun tiba ia, ia notatae “Tuumangku nombee'imo kalaja anu maboat hi belemiu, panyo' lebe maboat mule' na kalaja anu ku bee'. Ia mondoke belemiu nu pompohos, panyo' aku mondoke belemiu nu pompohos anu ko hii'nyo besak!”

NOSABATMO 10:28

Notatae na i tomundo hi Musa, “Lako'mo bolimo mae manintoa hi belengku! Aku madi'mo daagi' montoa beleyum! De daagi' ku toa na ohup nu beleyum, beleyum matemo!”

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

AMSAL 10:11

Sisik nu mian anu manonong mompotimbali kantumuu'an anu ma'ima'. Panyo kiijo' sulu-suluk ipotatae nu mian anu ma'idek nakinyonyoanyo madi' osumbu-sumbu'na kinyonyoa anu pagalanta.

AMSAL 10:32

Potatae nu mian anu madi' tageo' na kinyonyoanyo momposanang kinyonyoa; panyo potatae nu mian anu ma'idek na kinyonyoanyo saja' momposakit kinyonyoa.

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

AMSAL 18:23

Mian anu kasiasi de mompoita mompake atulan mian anu kaya de montaami tolosega.

ANU MOMPOLELE POTATAE NU TUMPU 10:12

Potatae nu mian anu pande mombau ia oholomati, panyo mian anu ponga' silaka kalana nu saduakon nu potataenyo.

ANU MOMPOLELE POTATAE NU TUMPU 2:19

Ka' ihe na monsumbu' pa' ia anu pande kabai anu ponga'? Panyo maumo pa' mosia ia ahi' na timbali montumpui hasin nu kalajangku anu bibinaungkumo tempo'nyo tinumuu' i dunia aiya, salaku balakat nu lawengku tiba kapandeanku bapikin. Jadi aijo' suele madi' ahi' ko gunanyo.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 SAMUEL 20:10

Lapas aijo' pinokilawamo i Daud, “Ihe na saidi' mae mompoto'i hi belengku de bisuanyo tuuma nu beleyum motambuha'mo na montaami beleyum?”