1 TOMU-TOMUNDO' 11:7 - KITAB NU TUMPU ALLA LELE MA'IMAI'

⁷ Aita i bungkutnyo sasu kabete'an Yerusalem ia nombaumo bau ponsomban Kamos pilogot nu aha mian Moab, ka' mule' bau ponsomban Molokh pilogot nu aha mian Amon – ohu-ohua' aijo' pilogot anu okabaati.

1 TOMU-TOMUNDO' 11:7 ပူးပေါင်းရင်းမြစ်များ

KAJADIAN 33:2

Ingatunnyo na ambahue'nyo ohua-ohua' tiba to ana-anak nu aha namba sasu aita' i moona, lapas aijo' i Lea tiba to ana-anaknyo, lantas i Rahel ka' i Yusuf na nambaje mae i mihi.

2 SAMUEL 15:30

Lapas aijo' ingukatakonmo i Daud na sapatunyo. Ia tiba iwi-iwi' na sangalunyo nondakomo i Bungkutnyo nu Zaitun ka' i humaangmo ka' ningkukumbungmo salaku tanda nontoongimo adat nu tomate.

1 TOMU-TOMUNDO' 11:5

I Salomo nonsombahmo Asytoret pilogot boune nu bansa Sidon, ka' suele Molokh pilogot mo'ane anu nu sombah nu bansa Amon.

1 TOMU-TOMUNDO' 11:6

Sumo aijo' na i Salomo binaladosa'mo hi Tumpu. I Daud tuuma i Salomo mohongo-hongo hondo Tumpu totu-totu'u na kinyonyoanyo panyo i Salomo madi'mo sinumo aijo'.

1 TOMU-TOMUNDO' 11:8

I Salomo nombau mule' tampat iyayamae da to bengke-bengkele'nyo anu lengkat mae i bansa anu isalipu'an timbali mompapu kamangian ka' monsombahkon koloban hi to pilo-pilogot nu aha.

1 TOMU-TOMUNDO' 15:12

Iwi-iwi' na anu lewa' masala' pinojoong i tampat ponsomban pilogot i laa'nyomo, ka' iwi-iwi' na tampat bau bapilogotan anu binaumo nu to tomu-tomundo' anu nompalentahmo ma'isa pe'e kino ianyo, madi'mo pinobee'nyo i songko-songko na lipu'.

2 TOMU-TOMUNDO' 23:10

Tofet, aijo'mo tampat ponsomban pilogot i Bangka' nyo nu Hinom i humimi'anmo. Tiba jalan anu sumo aijo' madi'mo daagi' ko mian anu timbali monsombahkon anaknyo salaku koloban anu opotunu ka' osombahkon hi Pilogot nu Molokh.

2 TAWARIKH 21:11

Ka' mule' ia nombaumo to pia-piangkuka na tampat ponsomban pilogot i da'erah anu i bungkutnyo nu Yehuda ka' nonsaduakonmo mian da'isan nu Yehuda ka' nonsaduakonmo mian da'isan nu Yehuda Yerusalem binaladosa'mo hi Tumpu.

MAZMUR 78:58

Aha madi'mo nohongo-hongo Tumpu Allah, tandanyo aijo'mo aha nombaumo tampat ponsomban pilogot, ka' ia madi'mo sinanang hi aha kalana patong nu aha haha aijo'.

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”

YEREMIA 32:31

Salatanmo pe'e kota' aiya binau miannyo nonsaduakonmo Aku da pinusamo hondo. Aku nontantukanmo da monsilakaimo aha,

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YEREMIA 48:13

Moab mososonmo hi Kamos te pilogot nu aha, sumomo mian nu Israel nososonmo hi Babel anu nutakabunakon nu aha aijo'.

YEREMIA 48:46

Silakamo na Moab! Mian anu jojoong kiijo' monsombah Pilogot Kamos pinateanmo ka' to ana-anak nu aha binoamo salaku anu ihakop.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 12:11

Lengkat pe'e tempo'nyo koloban anu osombahkon sansinaa-sinaa aijo' tinewa'mo ka' mule' hahan anu okabuhuk ka' mule' anu osanggohi palabuatan Ma'idek monsaduakon kahansunan aijo' lewa-lewa'mo binau, madi'mo timbali obau 1.290 na sinaa.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

ZAKHARIA 14:4

I sinaa aijo' Ia tuminjomo i Puge'nyo nu Zaitun sasu kabete'an Yerusalem. Sahingga Puge'nyo nu Zaitun mombagimo ohua' ka' timbalimo bangka'nyo anu ewa lengkat pe'e mae isasu kabete'an toka-toka isasu kinsoban. Sambagian na puge'nyo aijo' nodensu' sasu utara, ka' sambagian mule' nodensu sasu salatan.

NOMBILANGMO 21:29

Paya' na bansa Moab, belemiu silakamo! Anu monsombah Kamos, beleyum silakamo! Beleyum nupojohokmo nu Tumpu Allah nu beleyum da timbalimo anu saja' mopalai, to bou-boune nu belemiu nuhakopmo nu Tomundo Amori.

NOMBILANGMO 33:52

belemiu tionyo ahi' molaa' iwi-iwi' na anu jojoong i lipu' aijo'. O idei iwi-iwi' na bapilogotan nu aha, anu batu na binau, ka' tambaga ka' mule' tampat bau ponsomban nu aha.

MATIUS 26:30

Lapas aitu, aha nonyanyiakon sa'angu' na nyanyian mompuji'. Ka' lapas aitu, aha nambamo i Bungkutnyo nu Zaitun.

SISIKON NU TO RASUL-RASUL 1:12

Lapas aijo' to rasul-rasul aijo' ninsusule'mo i Yerusalem lengkat mae i Bungkut nu Zaitun. Bungkutnyo aijo' tampatnyo kila-kila sa'angu' na kilometen na kojo'onnyo lengkat mae i Yerusalem.

SISIKON NU TO RASUL-RASUL 1:9

Noko potatae na i Yesus sumo aijo', Ia i hangkatmo nokiita' i suluga' i ahop nu mata nu aha, ka' sehu' nongkulubimo Ia, madi'mo tinoa nu aha.

SISIKON NU TO RASUL-RASUL 7:43

Kemahmo nu pilogot Molokh (sanggo nu pilogot nu mian Simitis) na opoboa-boa miu tiba patong binatang nu pilogot miu, aijo'mo i Refan; te patong anu binau miu da osombah. Kalana aijo' Ku alinje na komiu sampe majo'on mokiijo' i sambiha' nu lipu' Babel.’

PO'ULE' INGULIT 13:14

De o hongo na sisik anu susumo aijo' opinasa pe'e totu-totu'u.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

TO MIA-MIAN KOPIAN 11:24

Ka' tempo' uuka aiya tantu ko kahanda'mo na beleyum po'ule' mongala? Tano' anu binee'mo i Kamos, aijo'mo pilogot nu belento hi belemiu na tataap ahi' belemiu na tumpunyo. Panyo apaa na anu binee'mo nu Tumpu, Tumpu Allah mami hi kami, sabole-bole ahi' o ala mami.