1 TOMU-TOMUNDO' 11:4 - KITAB NU TUMPU ALLA LELE MA'IMAI'

⁴ sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

1 TOMU-TOMUNDO' 11:4 ပူးပေါင်းရင်းမြစ်များ

1 TOMU-TOMUNDO' 11:2

Pinalentahkonmo nu Tumpu tukoo-Nyo mian nu Israel madi' timbali mo osoa mogogalo'an tiba bansa haha aijo', dumo aha saidi' mae monsaduakonmo mian nu Israel monsombahmo to pilo-pilogot sangga'at. Maumo sumo aijo' i Salomo nongosoaimo mule' ahi' aha to bou-boune mian anu isalipu'an.

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

1 TOMU-TOMUNDO' 11:42

Pinatompulu' na taun na kinopinnyo na i Salomo nompalentah i Yerusalem hi aha songko-songko na Israel.

1 TOMU-TOMUNDO' 11:6

Sumo aijo' na i Salomo binaladosa'mo hi Tumpu. I Daud tuuma i Salomo mohongo-hongo hondo Tumpu totu-totu'u na kinyonyoanyo panyo i Salomo madi'mo sinumo aijo'.

1 TOMU-TOMUNDO' 11:9

Pininduan na Tumpu, Tumpu Allah nu Israel nanintoa hi Salomo ka' nompo ingat ia tukoo-Nyo ia madi' timbali monsombah to pilo-pilogot sangga'at panyo i Salomo madi' ahi' montuluti Tumpu. Ia ola ahi' mompaka hiku Tumpu sahingga Tumpu nontambuha'imo ia.

1 TOMU-TOMUNDO' 14:21

Salatan i Rehabeam anak i Salomo tinimbalimo tomundo' nu Yehuda tempo'nyo aitu umunnyo patompulu'mo ka' sa'angu' na taun. Ia nompalentah sinampulu' ka' pinopitu' na kinopinnyo, i Yerusalem. Kota' anu songko-songko i Israel, kota'mo aijo' na anu tinantukanmo nu Tumpu da bau ponsomban Ia. Tina i Rehabeam sanggonyo i Naama bansa mae nu aha Amon.

1 TOMU-TOMUNDO' 15:14

Maumo madi' iwi-iwi' na tampat ponsomban pilogot i ngidean i Asa, panyo ia sabole-bole ahi' tulu-tulutan hi Tumpu i uno nu kantumuu'annyo.

1 TOMU-TOMUNDO' 15:3

I Abiam nombaumo dosa' susumo tuumanyo. Ia madi' totu-totu'u na kinyonyoa montuluti Tumpu Allah-nyo, madi' pokakana tiba i Daud mompolee'nyo mae.

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 6:1

I Salomo nontampu'unimo nombau laigan nu Tumpu i bitu'on Ziw, aijo'mo bitu'on ko ohua'nyo, i taun ko opatnyomo na ia nompalentah, 480 mo na taun na aha bansa Israel nompala'imo mae Mesir.

1 TOMU-TOMUNDO' 8:61

Tionyo ahi' belemiu, mian anu palesayamo hi Ia saja' ahi' tulu-tulutan hi Tumpu, Tumpu Allah-nto ka' montuluti atulan-Nyo iwi-iwi' susumo anu binaumo nu belemiu sinaa aiya.”

1 TOMU-TOMUNDO' 9:10

I Salomo nombaumo Laigan nu Tumpu tiba laigan nu tomundo' inguampulu' na taun na kinopinnyo.

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TAWARIKH 29:19

Bee'iakon na i Salomo, anaku momo'ane da mongka'ima'i totu-totu'u montuluti iwi-iwi' napalentah nu Belento ka' mombau laigan ponsomban belento Tumpu, kalana posadiaonnyo pinodaagi'kumo.”

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

2 TAWARIKH 25:2

I Amazia nombaumo anu momposanang kinyonyoa nu Tumpu, panyo madi' buke-buke' na kinyonyoanyo.

2 TAWARIKH 34:2

Ia nombaumo anu momposanang kinyonyoa nu Tumpu; ia nombatukimo sonto' i Tomundo Daud mompolee'nyo mae ka' nontulutimo iwi-iwi' atulan nu Tumpu Allah totu-totu'u.

NOSABATMO 20:3

Boli monsombah to pilo-pilogot sangga'at, ola Aku na osombah.

PO'ULE' INGULIT 17:17

Tomundo madi' timbali manjoo' na bengkele'nyo, da ia madi' mohiku Tumpu. Ia suele madi' timbali bala'usaha da kaya na posi butongnyo nu salaka tiba mosoni'.

PO'ULE' INGULIT 7:4

da boli nupojo'on nu aha na to ana-anak nu belemiu hi Tumpu ka' monsombahmo to pilo-pilogot sangga'at. De belemiu monsombahmo to pilo-pilogot sangga'at nutambuha'imo nu Tumpu ka' belemiu Nu pateimo.