1 TOMU-TOMUNDO' 11:34 - KITAB NU TUMPU ALLA LELE MA'IMAI'

³⁴ Maumo sumo aijo' Aku madi' mongala iwi-iwi' na kalaja'annyo aijo' hi ia. Ia daagi Ku pobee' mompalentah de ia ma'isa silaka. Han aijo' Ku bau kalana monginau' i Daud posaihon-Ku aijo' anu pinile'an-Kumo ka' mule' anu nontulutimo atulan-Ku ka' mule' palentah-ngKu iwi-iwi'.

1 TOMU-TOMUNDO' 11:34 ပူးပေါင်းရင်းမြစ်များ

2 SAMUEL 7:14

Aku timbalimo tuumanyo ka' ia baumo anak-Ku mo'ane. De ia mombau kasala'an ia Ku hukum susumo samian na tuuma mohukum anaknyo.

1 TOMU-TOMUNDO' 11:31

Lapas aijo' pinoto'inyomo hi Yerobeam, “Ala hi beleyum sampulu' na beaknnyo kalana Tumpu, Tumpu Allah nu aha Israel nompoto'imo sumo uuka hi beleyum, 'Ku alamo na kalaja'an aiya hi Salomo ka' Ku bee'mo hi beleyum na tulunan nu bansa anu sampulu' aijo'.

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 11:35

Kalaja'an aiya madi'mo Ku bee' hi anak mo'ane i Salomo ka' sampulu' na tulunan nu bansa aiya Ku bee'mo hi beleyum.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

AYUB 11:6

Ka' o'amalakon da nupotoaje nu Tumpu Allah hi beleyum, kalana kapandean aijo' manjoo' na ngangahannyo, ka' madi' opoko ala nusumbu' nu manusia. Sahingga mangalati'mo ahi' na beleyum saba' kasansala'an nu beleyum atina' ma'isa pe'e sangkuka, de opokakanakon tiba hukuman anu memang konanyomo na nu talima nu beleyum.

MAZMUR 103:10

Ia madi' mohukum kita sitimbang tiba, dosa'to, kabai mombalosi kita sitimbang tiba kasala'anto.

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.