1 TOMU-TOMUNDO' 11:31 - KITAB NU TUMPU ALLA LELE MA'IMAI'

³¹ Lapas aijo' pinoto'inyomo hi Yerobeam, “Ala hi beleyum sampulu' na beaknnyo kalana Tumpu, Tumpu Allah nu aha Israel nompoto'imo sumo uuka hi beleyum, 'Ku alamo na kalaja'an aiya hi Salomo ka' Ku bee'mo hi beleyum na tulunan nu bansa anu sampulu' aijo'.

1 TOMU-TOMUNDO' 11:31 ပူးပေါင်းရင်းမြစ်များ

2 SAMUEL 19:43

Tinaaman nu aha mian Israel, “Hak mami hi tomundo' lebe daka' pinsampulu' lipat molingkudui hak nu belemiu maumo ahi' i tomundo' daagi julu miu mae. Kadaka' belemiu montemo mae kami? Boli okolilimi, saba' kamimo ahi' na momona hondo nonsale'i da mambamo po ule' o'ala mae na i tomundo'!” Panyo aha mian nu Yehuda na lebe baani na monggagakon sahingga ihungku'an nuaha na mian nu Israel, ka' madi' nongka'oho' tinundu'.

1 TOMU-TOMUNDO' 12:15

Apaa na anu pinoita nu mian da'isan madi' pinajuliannyo. Panyo' aijo' memang pongka'oho'mo nu Tumpu. Apaa na anu pinoto'imo nu Tumpu hi Nabi Ahia kiijo' mae i Silo mongkona i Yerobeam anak i Nebat tionyo jadi.

1 TOMU-TOMUNDO' 14:2

I Yerobeam notataemo hi bengkele'nyo, “Soba posadia ka' lako' i Silo hi laigan i Nabi Ahia anu nompoto'imo u'utu mae tukoonyo aku baumo tomundo' nu Israel. Panyo pibaju na beleyum susumo mian popololo da madi' nu sumbu' nu mian na beleyum.

1 TOMU-TOMUNDO' 14:8

Beleyum binee'an-kumo kalaja'an anu ingalang-Kumo hi lee' i Daud. Panyo beleyum madi'mo sumo posaihon-Ku i Daud. Ia tulu-tulutan hondo hi belengku ka' montuluti hondo palentah-ngKu. Apaa na anu Ku situjui aijo' na nu bau.

2 TOMU-TOMUNDO' 17:21

Salatan Tumpu nongga'atmo Israel da bolimo mosa'angu' tiba Yehuda, mian nu Israel nohangkatmo I Yerobeam anak i Nabot da timbalimo tomundo' nu aha. Lantas i Yerobeam nompalentahmo aha bolimo o palesaya na Tumpu ka' mombaumo iwi-iwi' na dosa' anu toto daka-daka'.

2 TAWARIKH 10:15

Apaa na anu pinoita nu mian da'isan madi' pinajuliannyo. Panyo aijo' memang katantuanmo nu Tumpu Allah. Apaa na anu pinoto'imo nu Tumpu hi Nabi Ahia mian nu Silo mongkona i Yerobeam anak i Nebat memang tionyo ahi jadi.

1 SAMUEL 15:27

Lantas i Samuel nobalikmo kahanda'mo mamba, panyo tinewa'mo i Saul na ia ka' tinoongannyomo na juba'nyo sahingga juba'nyo aijo' no beakmo.

1 SAMUEL 15:28

Lantas notataemo na i Samuel hi ia, “Sinaa aiya Israel anu nu palentah nu belento Tomundo' bineakmo nu Tumpu ka' nu bee'mo hi mian sangga'at anu lebe ma'ima' molingkudui belento Tomundo'.