1 TOMU-TOMUNDO' 11:21 - KITAB NU TUMPU ALLA LELE MA'IMAI'

²¹ Salatan ihongomo i Hadad na lele tukoonyo nu aha, i Tomundo' Daud sinilakamo ka' i Yoab talenga' nu suludadu Israel suele sinilakamo, i Hadad notataemo hi tomundo' nu Mesir, “Pobee'mo mae na aku da minsusule'mo i lipu' kinahampeanku.”

1 TOMU-TOMUNDO' 11:21 ပူးပေါင်းရင်းမြစ်များ

1 TOMU-TOMUNDO' 2:10

Lapas aijo' i Daud sinilakamo ka' i lamunmo i Kota Daud.

MATIUS 2:20

Malaikat aijo' notatae, “To mia-mian anu mongka'oho' mompatei Anak aijo' sinilakamo. Kalana aitu bulamo, ala na Anak aijo' tiba tina-Nyo ka' pinsusule'mo mamba i Israel.”

1 TOMU-TOMUNDO' 2:34

Lantas nambamo na i Benaya i Kemah nu Tumpu ka' nompatei i Yoab i kiijo'. Lantas i Yoab i lamunmo i sambiha' nu kota.

2 SAMUEL 3:21

Lapas aijo' pinoitamo i Abner de timbali da motatae pe'e, “Pobee' mae na aku de timbali da mamba monsale'i aha songko-songko mian Israel da mosa'angu'mo tiba belento Tuanku. Da belento Tuanku nu alamo nu aha bau tomundo' nu aha, sahingga tiba jalan anu sumo aijo' belentomo Tuanku na mompalentah songko-songko na lipu', susumo anu nu kahanda'i nu belento Tuanku.” Lantas i Abner pinobee'mo i Daud namba ka' ingusahakan ahi' i Daud da boli ko anu mompoposia mae ia.

1 SAMUEL 9:26

lantas ia ihoyotmo. Salatan sinaa binete'mo, i Samuel nolagamo i Saul anu kiita i bangkala' ka' notatae, “Pobulamo, imbo' da ku boamo na beleyum minsusule'mo.”

YOSUA 2:21

Han aijo' sinetujuanmo i Rahab lantas pinobee'nyomo na aha namba. Lapas aijo' pinosegotnyomo na kahohon anu mea-mea' aijo' i tolongan.

NOSABATMO 4:19

Tempo'nyo i Musa daagi' i tano' nu Midian, Tumpu notataemo hi ia, “Pinsusule'mo mamba i Mesir. Iwi-iwi' na mian anu mongkahanda'i mompatei beleyum sinilakamo”.

KAJADIAN 45:24

Lapas aijo' ia nompolengkatmo to utu-utusnyo, ka' nompoto'i hi aha, “Boli painggaga i jalan.”

1 TOMU-TOMUNDO' 11:20

Mamanga bengkele' i Hadad nohumpakmo samian na anak mo'ane anu sinanggohannyo i Genubat. Anak aijo' pinidaka'an nu posi bengkele'nyo ka' jinojoongmo i laigan nu tomundo' hingga-hinggat tiba to ana-anak mo'ane i tomundo'.

1 TOMU-TOMUNDO' 11:22

“Ka' kadaka'” na koonyo i tomundo'. “Pa' daagi'ko kakulangan na beleyum i aiya, sahingga beleyum kahanda'mo minsusule' ilipu' kinahampean nu beleyum?” “Madi' ko kakulangan apa-apaa hi belengku” na koonyo i Hadad, “anyo pobee'mo mae na aku minsusule'.”