1 TOMU-TOMUNDO' 11:2 - KITAB NU TUMPU ALLA LELE MA'IMAI'

² Pinalentahkonmo nu Tumpu tukoo-Nyo mian nu Israel madi' timbali mo osoa mogogalo'an tiba bansa haha aijo', dumo aha saidi' mae monsaduakonmo mian nu Israel monsombahmo to pilo-pilogot sangga'at. Maumo sumo aijo' i Salomo nongosoaimo mule' ahi' aha to bou-boune mian anu isalipu'an.

1 TOMU-TOMUNDO' 11:2 ပူးပေါင်းရင်းမြစ်များ

KAJADIAN 2:24

Mokonyo aijo' mo'ane mompala'imo tuuma ka' tinanyo ka' mosa'angu'mo tiba bengkele'nyo, lantas ua-ua'aha timbalimo sa'asa'angu'.

KAJADIAN 34:3

Panyo ia talalomo hondo nongkamilui i Dina, sahingga kina'ima'annyomo na ia ka' noliomo jalan da langkoyang aijo' suele mongka'ima'i ia.

1 TOMU-TOMUNDO' 11:9

Pininduan na Tumpu, Tumpu Allah nu Israel nanintoa hi Salomo ka' nompo ingat ia tukoo-Nyo ia madi' timbali monsombah to pilo-pilogot sangga'at panyo i Salomo madi' ahi' montuluti Tumpu. Ia ola ahi' mompaka hiku Tumpu sahingga Tumpu nontambuha'imo ia.

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

2 TAWARIKH 21:6

Ia nontihomo mosia na kantumuu'an i Tomundo Ahab ka' to tomu-tomundo sangga'at nu Israel, kalana ia no'osoamo tiba samian na anak boune i Ahab. Ia binaladosa'mo hi Tumpu,

EZRA 9:12

Kami tinewa'mo nu nabi haha aijo' da bolimo mogogalo'an na mo'osoa tiba mian haha aijo', kabai montulungi aha da timbali bilahi kabai da mohumpakmo kantumuu'an anu lebe ma'ima'. De totu-totu'u kami tulu-tulutan, kami mohumpakmo kahosonan ka' mongkaanmo hasin nu tano' aijo' ka' baumo bahagian nu lee' mami sampe toka sidu-sidutu'.

MAZMUR 139:21

O, Tumpu, ku ka'ideki na mian anu mongka'ideki Belento, kinyonyoangku nompele-pele'mo hi mian anu panggaga hi Belento!

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

NOSABATMO 34:12

Boli mombau palajanjian tiba to mia-mian i lipu' anu olambani miu, kalana han aijo' timbalimo monsaduakon sahingga belemiu mohumpak kasilakaan.

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

MALEAKHI 2:11

Mian nu Yehuda nolanggaimo palajanjian nu Tumpu tiba aha ka' nombaumo hahan anu okabuhuk hondo kiijo' i Yerusalem ka' mule' isongko-songko na lipu'. Aha nohumimi'imo Laigan nu Tumpu anu nunu ka'ima'i ka' mule' no'osoamo tiba to bou-boune anu monsombah to pilo-pilogot nu bansa sangga'at.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

ANU PINOTO'I HI YOHANES 2:4

Panyo aiya na Ku poto'i toka hi belemiu: Komiu madi'mo daagi' nongkalibosi Aku sumo imoonanyo.