1 TOMU-TOMUNDO' 11:12 - KITAB NU TUMPU ALLA LELE MA'IMAI'

¹² Maumo sumo aijo', panyo kalana monginau' tuuma nu beleyum i Daud, madi' ahi' Ku bau na aijo' de daagi' beleyum tutuu'. Tokaje i tempo'nyo anakje nu beleyum momo'ane na mompalentah atina'je ka' Ku bau na aijo'.

1 TOMU-TOMUNDO' 11:12 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 19:29

Sumo aijo'mo na tempo'nyo Tumpu Allah nohopu'imo kota haha aijo' i bangka'nyo kajojoongan i Lot. Tumpu Allah nonginau' i Abraham ka' nontulungimo i Lot nompalaihakonmo butongnyo.

1 TOMU-TOMUNDO' 11:11

Tumpu notatae, “Kalana nu totonggolakon na molanggai palajanjian nu beleyum hi belengku ka' madi'mo montuluti palentah-ngKu iwi-iwi', jadi Ku alamo na kalaja'an nu beleyum ka' Ku bee'mo hi samian anu ko pangkatnyo anu mokalaja hi beleyum.

1 TOMU-TOMUNDO' 11:13

Panyo madi' songko-songko na kalajaa aijo' Ku ala hi ia. Kalana monginau' posaihon-Ku i Daud ka' mule' monginau' Yerusalem anu binaung-Kumo kota'Ku aijo' sahingga daagi Ku potuha'i sa'angu' na tulunan nu bansa da nu palentah nu anak nu beleyum momo'ane.”

1 TOMU-TOMUNDO' 11:31

Lapas aijo' pinoto'inyomo hi Yerobeam, “Ala hi beleyum sampulu' na beaknnyo kalana Tumpu, Tumpu Allah nu aha Israel nompoto'imo sumo uuka hi beleyum, 'Ku alamo na kalaja'an aiya hi Salomo ka' Ku bee'mo hi beleyum na tulunan nu bansa anu sampulu' aijo'.

1 TOMU-TOMUNDO' 11:32

Sa'angu' na tulunan nu bansa tataap hi Salomo, kalana monginau' posaihon-Ku i Daud tiba Yerusalem anu pinile'an-Kumo ilipu' nu aha Israel songko-songko ka' binaumo kota'-Ku.

1 TOMU-TOMUNDO' 11:34

Maumo sumo aijo' Aku madi' mongala iwi-iwi' na kalaja'annyo aijo' hi ia. Ia daagi Ku pobee' mompalentah de ia ma'isa silaka. Han aijo' Ku bau kalana monginau' i Daud posaihon-Ku aijo' anu pinile'an-Kumo ka' mule' anu nontulutimo atulan-Ku ka' mule' palentah-ngKu iwi-iwi'.

1 TOMU-TOMUNDO' 11:35

Kalaja'an aiya madi'mo Ku bee' hi anak mo'ane i Salomo ka' sampulu' na tulunan nu bansa aiya Ku bee'mo hi beleyum.

1 TOMU-TOMUNDO' 21:29

“Tinoaumo nu beleyum mosia na i Ahab tina'alukmo hi beleng-Ku? Kalana aijo' Aku madi'mo daagi' mompotoka mae balaa' de daagi' ia tutuu' minsanje anaknyo atina'je ka' Kupotoka mae na balaa' aijo' hi aha sa'anakan.”

2 TOMU-TOMUNDO' 19:34

Kota' Yerusalem Ku tinjohakonmo ka' Kujagaimo kalana kaholomatan-Ku, ka' kalana palajanjian-Ku hi posaihon-Ku i Daud.’ ”

2 TOMU-TOMUNDO' 20:17

na tempo'nyo iwi-iwi' na kakaya'an anu atina' i laigan nu tomundo' kajojoongan nu beleyum, ka' anu i humpak nu mompolee' nu beleyum sampe sinaa aiya, saidi' mae oboamo i Babel. Madi' ko anu tontuha'.

2 TOMU-TOMUNDO' 20:19

Tinaaman i Tomundo' Hizkia, “Ma'ima' mule' na potuunon nu Tumpu anu pinotokamo nu beleyum hi belengku,” Tinaamannyo sumo aijo', kalana tinutugannyo: “Asan kalaja'anku de daagi' aku tutuu' sabole-bole saja' ma'i-ma'ima' mae madi' ko anu mompoposia ka' saja' bilahi.”

2 TOMU-TOMUNDO' 8:19

Panyo Tumpu madi' mombahayai Yehuda kalana Ia nojanji'mo hi Daud posaihonnyo, saba' tulunannyo tataap timbali tomundo'.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.