1 TOMU-TOMUNDO' 11:1 - KITAB NU TUMPU ALLA LELE MA'IMAI'

¹ I Tomundo' Salomo nongka'ima'imo manjoo' hondo na to bou-boune nu bansa sangga'at. Misa' ola anak lalangkoyang nu tomundo' Mesir na ingosoan i Salomo, panyo ia mule' nompaka po osoamo tiba to bou-boune nu aha mian Het, Moab, Amon, Edom tiba Sidon.

1 TOMU-TOMUNDO' 11:1 ပူးပေါင်းရင်းမြစ်များ

1 TOMU-TOMUNDO' 11:8

I Salomo nombau mule' tampat iyayamae da to bengke-bengkele'nyo anu lengkat mae i bansa anu isalipu'an timbali mompapu kamangian ka' monsombahkon koloban hi to pilo-pilogot nu aha.

1 TOMU-TOMUNDO' 14:21

Salatan i Rehabeam anak i Salomo tinimbalimo tomundo' nu Yehuda tempo'nyo aitu umunnyo patompulu'mo ka' sa'angu' na taun. Ia nompalentah sinampulu' ka' pinopitu' na kinopinnyo, i Yerusalem. Kota' anu songko-songko i Israel, kota'mo aijo' na anu tinantukanmo nu Tumpu da bau ponsomban Ia. Tina i Rehabeam sanggonyo i Naama bansa mae nu aha Amon.

1 TOMU-TOMUNDO' 14:31

Mamanga ahi' i Rehabeam sinilakamo ka' ilamunmo i tampat pinolamunan to tomu-tomundo' i kota' Daud. I Abiam anaknyo momo'ane na nombolosi ia salaku tomundo'.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 3:1

I tomundo' nosangaja'mo tiba Mesir kalana ia nongka'ima'imo langkoyang nu tomundo' Mesir. Langkoyang aijo' binoamo i Salomo i kota Daud da jojoongmo kiijo' mae sampe timbalimo na laigan nu Tomundo' ka' laigan nu Tumpu tiba benteng titikup Yerusalem opoko baumo.

EZRA 10:44

Iwi-iwi' na aha haha aijo' nongosoaimo boune nu aha anu i salipu'an. Sahingga boune haha aijo' gina'atakonmo ka' i laa'mo tiba to ana-anak nu aha.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

EZRA 9:2

To momo'ane nu aha no'osoamo tiba to boboune nu bansa anu lengkat mae i salipu'an, sahingga mian anu samata-mata anumo nu Tumpu madi'mo tinontilis. Pakalaus anu momonanyo hondo nombau aijo' atina'mo to tu'a-tu'anyo ka' anu kopangkat i Israel.

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

AMSAL 2:16

Beleyum, o anakku, timbalimo monggagakon de pagalamo nu sale'i nu to bou-boune anu saja'mo masala', anu mongusahakonmo da monggoda beleyum nu potatae anu toto ima-ima'.

AMSAL 22:14

Ponsale'i nu mian anu lewa' masala' sumomo bau mohakop; mian anu nu tambuha'i nu Tumpu nanabu'mo i unonyo.

AMSAL 23:33

Mata nu beleyum mimbolialatmo, pikilan nu beleyum madi'mo tantu ka' nganga' mahataean mo.

AMSAL 31:3

Boli ola lewa' mombea-beasakon kahosonan nu butong nu beleyum kabai ola lewa' monsa'u kahosonan nu beleyum hi boune. Manjoo'mo na tomundo' anu ihansun kalana boune.

AMSAL 6:24

Tiba jalan anu sumo aijo' beleyum majo'onmo hi to bou-boune anu lewa' masala', ka' sisin na potatae nu bengkele' nu mian sangga'at anu kahanda' monggoda.

AMSAL 7:5

Kapandean bapikin mompojo'on bele nu hi boune anu lewa' masala' ka' mule' hi boune anu lewa' monggoda nu potataenyo anu toto mata-matami'.

IMAMAT 18:18

Boli mo'osoa tiba boune utus nu bengkele' nu belemiu de daagi' bengkele' nu belemiu tutuu'.

PO'ULE' INGULIT 17:17

Tomundo madi' timbali manjoo' na bengkele'nyo, da ia madi' mohiku Tumpu. Ia suele madi' timbali bala'usaha da kaya na posi butongnyo nu salaka tiba mosoni'.