1 TOMU-TOMUNDO' 10:7 - KITAB NU TUMPU ALLA LELE MA'IMAI'

⁷ Momonanyo mae madi' pinalesayangku, panyo' salatan aku tinokamo mae ka' posi matangkumo na nonsakisi, atina'je ka' aku nompalesayamo totu-totu'u. Memang totu'umo na anu i hongongkumo, ma'isa montokai mintonga' na anu tinoangkumo uuka aiya. Taalu' totu'u ahi' na kapandean ka' kakaya'an nu belento Tuan, lebe ahi' manjoo' molingkudui apaa na anu pinolele hi belengku.

1 TOMU-TOMUNDO' 10:7 ပူးပေါင်းရင်းမြစ်များ

1 TOMU-TOMUNDO' 10:6

Sahingga ia notatae hi Tomundo' Salomo, “Iwi-iwi' na anu i hongongkumo i lipu' mami mongkona kapandean nu belento Tuan, memang totu'u!

1 TOMU-TOMUNDO' 10:8

Nohumpakmo hondo dale' na to bengke-bengkele' nu belento Tuan! Ka' suele nohumpakmo hondo dale' na to mia-mian anu ko pangkatnyo anu saja' mokalaja hi belento Tuan, sahingga saja' mohongo hi belento Tuan iwi-iwi' na pokinde' anu mompopande!

MAZMUR 48:9

Susumo anu ihongontomo, uuka aiya tinoantomo, i Kota' nu Tumpu Anu Balakuasa hondo. Kota' aijo' atina'mo na Kota' nu Tumpu-nto, Nu sangaja'i sampe toka sidu-sidutu'.

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

MARKUS 16:11

Panyo salatan aha nohongo taalu' i Yesus tinumuu'mo, ka' taalu' i Maria nontoamo Ia, aha madi' palesaya.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.