1 TOMU-TOMUNDO' 10:25 - KITAB NU TUMPU ALLA LELE MA'IMAI'

²⁵ Aha toto samian de aha toka mae ko anu nu boa mae nu aha o palasen nakon hi Salomo. Aha mombee'i to bala-balang salaka, mosoni', hude, toongon anu bau pahampate, santo lampa-lampa, ajahan ka' bagal. Sumo aijo'mo sataun toka sataun.

1 TOMU-TOMUNDO' 10:25 ပူးပေါင်းရင်းမြစ်များ

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

YEHEZKIEL 27:14

To bala-balang nu beleyum pinontolosimo nu beleyum i ajahan anu bau pohela' kareta, ajahan bau kasake'an tiba bagal anu lengkat mae Bet-Togarma.

YESAYA 66:20

Lengkat mae ilipu' haha aijo' nu boamo mae nu aha na to utu-utus nu belemiu anu bubuu' bansa nu belemiu salaku palasen anu obee' hi beleng-Ku. Nu boamo mae nu aha na mian haha aijo' i puge'nyo anu susi' anu Aku na tumpunyo i kota' Yerusalem monsake'i mae ajahan, keledai tiba unta ka' mule' kareta tiba loda susumo kabiasa'an nu aha Israel momboa palasombahan i Laigan nu Tumpu aijo'mo gandum anu o'isi i gumbang anu belesi'.

YESAYA 36:16

Boli mohongo i Hizkia! Aku, tomundo' nu Asyur mompoto'i da belemiu mosabat mae atina' ikota' ka' mangakumo kalah. Da belemiu timbali mongkaan bua' nu anggur anu i, ale' nu belemiu ka' monyamit bua' nu ara anu pinosi su'an nu belemiu ka' mule' monginum uee anu iposi bubung nu belemiu,

MAZMUR 72:15

Higahiakon na i tomundo salaku mian daka'! O'amalakon da nusombahkon mae nu aha Arab hi ia na mosoni'. O'amalakon da ia saja' odo'akon sansina-sinaa ka' mule' saja' mohumpak balakat.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

ESTER 8:14

Jadi nambamo na to mia-mian anu sinai aijo' nonsake'i ajahan i tomundo. Ka' suele kiijo' i Susan puso nu kota' nu Negara, palentah aijo' binasa'mo.

ESTER 8:10

Sulat haha aijo' tinandatanganan i Mordekhai panyo nomboa sanggo i Tomundo Ahasyweros ka' sinapmo nu sap nu kalaja'an. Lantas sinaimo i Mordekhai na to mia-mian nomboa sulat haha aijo' i to propinsi-propinsi nu kalaja'an nonsake'i ajahan toto lia-lia' anu i tomundo.

2 TAWARIKH 26:8

Mian nu Amon mombayan hasin hi Uzia. Kakuasaannyo kino daka-daka'nyomo sahingga sanggonyo tinalasanggomo tinoka-tokamo i Mesir.

2 TAWARIKH 9:24

Aha toto samian toka mae ka' momboa mae palasen anu obee' hi Salomo. Aha mombee' to bala-balang mosoni', salaka, pakean, toongon anu bau pahampate, to lampa-lampa, ajahan ka' bagal. Sumo aijo' sataun toka sataun.

2 TOMU-TOMUNDO' 17:4

Panyo daagi' ko sa'angu' na tempo' i Hosea nonsaimo mian hi So tomundo' nu Mesir momoita da montulungi ia. Lantas i Hosea madi'mo nombayan hasin anu sataun toka sataun obayan hi tomundo' Asyur. Salatan i Salmaneser nonsumbu'mo kalakuan i Hosea aijo' ia nohakopmo i Hosea ka' pinosoopnyomo i uno nu talungku'.

1 TOMU-TOMUNDO' 18:5

I Ahab notatae hi Obaja, “Imbo' da mamba osongkohinto na lipu' aiya ka' molio mata nu uee kabai kaunyo. Ihe na monsumbu' kita mohumpak hemput da bau pompakan ka' bau pompo'inum ajahanto ka' bagalto, da bolimo kita mompatei potuu'onto mau ola sa'angu'.

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 1:33

notataemo na i tomundo' hi aha, “Laga mae na to sulu-suludadungku anu matangkas na pangkatnyo ka' lako' tiba aha hi Salomo anaku momo'ane. Posake' mae na ia i bagalku, ka' boa na ia i mata nu uee Gihon.

2 SAMUEL 8:10

Sahingga ia nonsaimo anaknyo momo'ane i Yoram da mamba mompotokakon salando'anyo hi Tomundo' Daud ka' mompotoka suele talima kase kalana ia inguntungmo na nahampate kalana i Hadadezer toho'mo nahampate tiba i Tou. I Yoram nambamo hi Daud nomboa mosoni' manjoo' hondo bau palasen ka' mule' tambaga tiba salaka.

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.

TO MIA-MIAN KOPIAN 3:15

Panyo salatan aha mian nu Israel nomoitamo tulung hi Tumpu Ia nombee'mo i Ehud da mompobebas aha. I Ehud mian anu kewe'; ia anak i Gera tulunan mae nu bansa Benyamin, ka' iamo na saja' momboa hi Tomundo Eglon hasin anu tionyo ahi' o bayan nu mian Israel.

KAJADIAN 36:24

I Zibeon kino anak mo'ane ua'aha aijo'mo i Aya ka' i Ana. (I Ana aiyamo na nohumpak mata nu uee anu toto pana-panas i padang bone', tempo'nyo ia nolaya' to kele-keledai nu tuumanyo).

MAZMUR 68:29

Tumpu nu belemiu montuntut kahosonan nu belemiu; o, Tumpu potatapmo mae hi kami apaa na anu binaumo nu Belento hi kami.

1 TOMU-TOMUNDO' 5:1

I Hiram, tomundo' nu aha Tirus, saja'mo no bela' tiba i Tomundo' Daud. Salatan i hongomo i Hiram na i Salomo binaumo tomundo' pinombolosi i Daud, tuumanyo ia nonsaimo mian namba hi Salomo.