1 TOMU-TOMUNDO' 1:40 - KITAB NU TUMPU ALLA LELE MA'IMAI'

⁴⁰ Lapas aijo' aha iwi-iwi' nombatukimo ia ninsusule' ka' lewa'mo nontaligalai ka' nompoonyi' puloit sahingga tano' sumo anu mobiha'mo kalana tahahumo i lame'.

1 TOMU-TOMUNDO' 1:40 ပူးပေါင်းရင်းမြစ်များ

1 TOMU-TOMUNDO' 1:39

Lapas aijo' i Zadok nongalamo tampat pongisian lanya' nu Zaitun anu binoanyo mae lengkat kiijo' mae i kemah nu Tumpu, lantas binalakatannyomo na i Salomo ka' sinapuakonnyomo na lanya' aijo'. Tolompet mule' pino'onyi'mo ka' iwi-iwi' na anu tinoka i kiijo' nontalagalaimo, “Higahiakon mae na i Tomundo' Salomo!”

1 TOMU-TOMUNDO' 1:41

I Adonia tiba iwi-iwi' na anu ilaganyo sala'je i lapas na nombaubauon tempo'nyo aha nohongo kalame'an aijo'. Salatan i Yoab nohongomo onyi' nu tolompet, ia nompokilawamo “Apaa na anu jinadimo kiijo' i kota' sahingga tahahumo i lame'?”

1 TOMU-TOMUNDO' 1:45

Ka' i Zadok, tiba i Natan nohangkatmo ka' nombalakatimo i mata nu uee Gihon. Uuka aiya aha ninsusule'mo i kota ka' i lame'mo hondo na aha lewa' nontaligalai ka' iwi-iwi' na mian nu kota nohongomo aijo'. Aijo'mo na kalame'an anu i hongomo nu belemiu u'uka.

2 TOMU-TOMUNDO' 11:14

Tinoanyo na tomundo' anu sala'je i hangkat aijo' tinjo-tinjo i sabatan nu Laigan nu Tumpu i tampat pinohangkatan ia salaku tomundo', tinikubanmo nu to sulu-suludadu anu toto tangka-tangkas na pangkatnyo ka' anu mompuhi tolompet. Iwi-iwi' na mianda'isan nontaligalaimo kalana binilahimo ka' mule' pinuuhanmo nu aha na tolompet. I Atalya binata-batamo ka' binea-beaknyomo na pakeannyo ka' nolobo'mo “Uesan-Uesan!”

2 TOMU-TOMUNDO' 11:20

Iwi-iwi' na mian da'isan binilahimo ka' kota' ingamanmo ka' i Atalya pinateanmo.

MAZMUR 97:1

Tumpu aijo'mo na Tomundo'! Dunia tionyo ahi' balame-lame'mo ka' iwi-iwi' na togong suele ahi' balame-lame'mo.

DANIEL 3:5

De tolompet umonyi'mo ka' suele opo'onyi'mo na suling, kasapi', labana, serdam, ka' mule' pakakas nu musik sangga'at, to utu-utus tionyo ahi' tolodadupumo i ahop nu patong mosoni' aijo' ka' monsombah anu pipinotinjomo nu Tomundo' Nebukadnezar.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

LUKAS 19:37

Salatan i Yesus malia'mo toka i Yerusalem, i jalan pintuahan nu Bungkutnyo Zaitun, iwi-iwi' na anu mombatuki Ia da'isan hondo aijo', lewa'mo noloboo'akon mompuji' Tumpu Allah ka' montalima kaseh hi Ia, kalana iwi-iwi' na anu okabangangi sinakisianmo nu aha.

1 SAMUEL 11:15

Jadi nambamo na aha iwi-iwi' i Gilgal, ka' kiijo' i tampat ponsomban, i Saul pinotantumo salakumo tomundo'. Aha nonsombahkonmo koloban anu bau pompodame, ka' mule' i Saul tiba iwi-iwi' na bansa Israel nolame'akonmo apaa na anu jinadimo aijo'.

1 SAMUEL 4:5

Salatan Peti' Palajanjian aijo' tinokamo i kemah nu aha ingaisanmo nu aha daka-daka'nu aha mian Israel ka' i lame'mo sahingga tano' ginayu'anmo.