1 TOMU-TOMUNDO' 1:29 - KITAB NU TUMPU ALLA LELE MA'IMAI'

^29-30 Lantas notataemo na i Tomundo' hi ia, “Memang aku nojanji'mo hi beleyum, i uno nu sanggo nu Tumpu Allah nu Israel, tukoongku i Salomo anak nu beleyum momo'ane na momobolosakon aku bau tomundo', jadi uuka aiya aku balajanji' hi beleyum i uno nu sanggo nu Tumpu anu tumuu', anu nolapasakon aku i kasansala'anku iwi-iwi', sinaa uuka aiya ku baumo apaa na anu jinanji'kumo hi beleyum.”

1 TOMU-TOMUNDO' 1:29 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

2 SAMUEL 12:5

Nohongo aijo' i Daud pinusamo hondo kalana mian anu kaya aijo' nombaumo sumo aijo' sahingga ia notataemo, “Uesan hondo na mian anu kaya aijo'! I uno nu sanggo nu Tumpu anu tumuu' mian aijo' tionyo ahi' mombolosiakon anak nu domba aijo' pimpaton lipat na konjoo'nyo hi ia ka' ia tionyo ahi' ohukum mate!”

2 SAMUEL 4:9

Panyo tinaaman i Daud, “Tumpu anu tumuu' anu nomposalamatmo aku, da madi' nohumpak kasilaka'an, na monsumbu' apaa na anu ku taloakon aiya memang totu'u.

1 TOMU-TOMUNDO' 1:28

I Tomundo' Daud notatae, “Laga mae na i Batsyeba”, sahingga nosabatmo na i Nabi Natan ka' i Batsyeba po'ule'mo nangadap hi tomundo'.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 18:10

I uno nu sanggo nu Tumpu anu tumuu', Tumpu Allah anu osombah nu belento Tuuma, aiya ku poto'i saba' i tomundo' nompalentahmo aku molio belento Tuuma iyaya mae. De i sa'angu' na lipu' pamalentahnyo motatae tukoonyo belento Tuuma madi' ko anu aiya mae, sabole-bole tionyo nu poita i Ahab da pamalentah nu lipu' aijo' basumpa' de memang totu-totu'u belento Tuuma madi' ko anu kinabot kiijo' mae.

1 TOMU-TOMUNDO' 2:24

Tumpu nombalakatimo aku da binapangkat sumo aiya i kasuhangan nu tuumangku, i Daud. Tumpu nongganapimo janji'-Nyo ka' nombee'mo kalaja'an aiya hi belengku ka' hi lee'ku. Aku basumpa' i uno nu sanggo nu Tumpu anu tumuu' saba' i Adonia sinaamo aiya na ia silaka!”

2 TOMU-TOMUNDO' 4:30

Boune aijo' notataemo, “Kita Tuumangku Elisa! I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i kita Tuumangku!” Kalana aijo' nambamo na i Elisa hingga-hinggat tiba boune aijo' i laigannyo.

2 TOMU-TOMUNDO' 5:16

Tinaaman i Elisa “I uno nu sanggo nu Tumpu anu tuumu', anu kuku hongo-hongo na palentah-Nyo, madi' aku mongala maumo pa'apaa na anu o bee'.” Sabole-bolemo sinesehakon i Naaman da o alamo na anu nu bee'mo aijo', panyo i Elisa madi' ahi' mongala.

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

MAZMUR 136:24

Pinobebas-Nyomo na kita da boli nu patei nu mian anu monsampobali' mae; kalibosan-Nyo sampe toka sidu-sidutu.

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 72:14

Ia mompobebasmo aha da madi'mo lewa' obee'i kasansalan ka' anu saja' opalentah, nusinggi, kalana kantumuu'an nu aha ko angga'nyo hondo hi ia.

TO MIA-MIAN KOPIAN 8:19

“Aijo'mo na to utu-utusku – to ana-anak nu tinangku,” na koonyo i Gideon. “Bisuannyo belemiu madi' nompatei aha, mate pe'e na aku, de aku mompatei suele belemiu.”

1 SAMUEL 14:39

Aku bajanji' tiba sanggo nu Tumpu anu tumuu', anu nombee'imo ka untungan nahampate hi aha mian nu Israel, saba' mian anu kosala'nyo tionyo ahi' ohukum mate, mau mule' ia i Yonatan anaku momo'ane.” Panyo mau pe'e samian madi' ko anu nontaami ia.

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 19:6

Potatae i Yonatan pinangalati'anmo i Saul, ka' ia binasumpa'mo hi Tumpu tukoonyo ia madi'mo mompatei i Daud.

1 SAMUEL 20:21

Lantas kupokaumo na posaihonku montoluki hihis haha aijo', ka' de kupoto'i hi ia, 'Ee hihisnyo aijo' ohani hondo aiya mae; lako' mae toluki,' aijo' alati'nyo beleyum madi' opoposia ka' timbalimo mosabat. Aku basumpa' hi sanggo nu Tumpu anu tumuu' saba' beleyum madi' ko balaa' apa-apaa anu montokai mae.