1 TOMU-TOMUNDO' 1:13 - KITAB NU TUMPU ALLA LELE MA'IMAI'

¹³ malia-lia' mamba mangadap hi Tomundo' Daud, ka' poto'i hi ia sumo uuka: ‘Te misa' belento Tomundo' binaumpa'mo hi belengku da i Salomo anaku anu momo'ane o hangkatmo bau tomundo' mombolosi belento Tomundo'? Uuka aiya, kadaka' i Adoniamo na tinimbali tomundo'?’ ”

1 TOMU-TOMUNDO' 1:13 ပူးပေါင်းရင်းမြစ်များ

1 TOMU-TOMUNDO' 1:11

Sahingga nambamo na i Nabi Natan siningkabot i Batsyeba, tina i Salomo, lantas notataemo hi ia, “Pa' belento bengkele' nu Tomundo' ma'isa nohongo i Adonia, anak mo'ane i Hagit, nosi hangkatmo butongnyo bau tomundo', padahan i Tomundo' Daud madi' nonsumbu-sumbu' han aijo'?

1 TOMU-TOMUNDO' 1:14

I Natan po'ule' mule' notatae, “Saidi' mae, de belento bengkele' nu Tomundo' motataemo hi tomundo' minsoopje na aku da mompaka pohoson apaa na anu nu taloakon nu belento Bengkele' nu Tomundo'.”

1 TOMU-TOMUNDO' 1:17

Tinaaman i Batsyeba, “Kita mian daka' anu talasanggo belentoo Tomundo' binasumpa'mo hi belengku i unonu sanggo nu Tumpu Allah nu belento Tomundo', saba' i Salomo anaku momo'ane baumo tomundo' mombolosi belento Tomundo'.

1 TOMU-TOMUNDO' 1:24

I Natan notataemo “Kita mian daka' anu talasanggo i, pa' belento Tomundo' nombebakonmo i Adonia na mombolosakonmo belento Tomundo', iamo na bau tomundo'?

1 TOMU-TOMUNDO' 1:35

Lapas aijo' batukimo mae na ia minsusule' mae i aiya monsuhangi kasuhanganku, kalana ia na anu pinile'ankumo bau tomundo' mombolosakon aku, da mompalentah Israel tiba Yehuda.”

1 TOMU-TOMUNDO' 1:48

ka' binalado'a ‘Ku puji' na belento O Tumpu, Tumpu Allah anu nu sombah nu mian Israel. Sinaa aiya samian na lee' ku i hangkatmo nu belento binau tomundo' nombolosakon aku. Ka' belento Tumpu nompobee'mo mae aku tinumuu' daagi' Nonsakisi'i!’ ”

1 TOMU-TOMUNDO' 2:12

Lapas aijo' i Salomo tinimbaimo tomundo' nombolosakon i Daud tuumanyo. Kakuasa'an i Salomo salaku tomundo' talalo hondo mahoson.

1 TAWARIKH 28:5

Ia nombee'imo mae aku anak manjoo' ka' anak haha aijo' iwi-iwi' pinile'an-Nyomo na i Salomo nompalentah Israel kalaja'an nu Tumpu.

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.

YESAYA 9:7

Tumpu nonabu'akonmo hukuman hi aha kalaja'an Israel.

YEREMIA 33:21

Sumo aijo' mule' Aku nombaumo palajanjian tiba posaihon-Ku i Daud, da lee'nyo mae saja'mo daagi' ko samian na anu timbali tomundo'; ka' Aku nombaumo palajanjian tiba to ima-imam lee' mae nu aha Lewi da aha saja' ahi' mombau apaa na anu Ku palentahkon. Palajanjian haha aijo' madi' timbali ohapus.

PO'ULE' INGULIT 17:18

De samian o hangkatmo timbali tomundo, ia tionyo ahi' obee'imo sa'angu' na kitab nu to atu-atulan nu Tumpu Allah anu sinalin lengkat i kitab anu momonanyo hondo anu pino'una' nu to ima-imam Lewi.