1 TIMOTIUS 6:6 - KITAB NU TUMPU ALLA LELE MA'IMAI'

⁶ Hondo-hondomo agama mombee'i ka'untungan anu daka', de mian mongoa'imo sukup apaa na anu daagi'mo hi ia.

1 TIMOTIUS 6:6 ပူးပေါင်းရင်းမြစ်များ

2 TOMU-TOMUNDO' 6:2

Pobee' mae na kami mamba montaa' kau' kiijo' mae koko kaunyo Yordan, ka' mombaumo kajojoonganto kiijo' mae.” “Sahanyo ii',” tinaaman i Elisa.

MAZMUR 37:16

Balang mau ola sangkiding na daagi' hi aha mian anu ma'ima na kinyonyoanyo lebe ko angga'nyo nu lingkudui na balang anu molabi-labimo hi aha mian anu ma'idek na kinyonyoanyo.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

NOSABATMO 2:21

I Musa nongka'oho'mo da jojoongmo ikiijo'. Lapas aijo' i Yitro nompo'osoakonmo hi anaknyo, sanggonyo i Zipora tiba i Musa.

AMSAL 15:16

Lebe ma'ima' ola sangkiding na halata'panyo monsumbu' mabuhuk hi Tumpu, ka' de mule' manjoo' na halata' panyo saja bata-bata.

AMSAL 16:8

Lebe ma'ima' ola sangkiding na pandapatan asan ohumpak nu kinyonyoa anu madi' tageo'; boli pandapatan manjoo' padahan ohumpak nu palabuatan anu madi' adin.

AMSAL 28:25

Lebe mompentingkan posi butong, monsaduakon painggagan, beleyum lebe untung de palesaya hi Tumpu.

YEREMIA 35:9

Kami madi' timbali mombau laigan da bau kajojoongan mami, panyo kami na jojoong ahi' i uno nu kemah. Kami suele madi' kino ale' nu anggur, ale' kabai mule' ahi' bine' nu gandum da osu'an. Osanggomo kodo-kodo' sinin na palentah nu mompolee' mami i Yonadab aijo' tinulutanmo mami ingko-ingkot.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 3:14

Daagi' mule' ko' suludadu anu nompokilawa, “Mosia na kami? Apaa na tionyo obau mami?” I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

FILIPI 1:21

Kalana hi belengku, kantumuu'anku olamo samata-mata hi Kristus! Ka' de silakamo alati'nyo ka'untunganku.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

1 TIMOTIUS 6:8

Jadi de daagi' ko kaanon ka' pakean, aijo' sukupmo.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”