1 TIMOTIUS 6:4 - KITAB NU TUMPU ALLA LELE MA'IMAI'

⁴ atina'mo na mian anu kobubuun ka' madi' monsumbu' apa-apaa! Panyakitnyo aijo'mo ola mongka'ima'i mompaha lawa-lawani ka' mahanggaga mongkona potatae sahingga monsaduakonmo ma'idekan na kinyonyoa, mosubalimo, mompitana'i, monsangka anu madi' ma'ima',

1 TIMOTIUS 6:4 ပူးပေါင်းရင်းမြစ်များ

AMSAL 13:7

Daagi ko mian anu mingadi-adi' mian anu kaya padahan madi' ko halata'nyo; daagi ko anu mingadi-adi' kasiasi padahan talalo ahi' kaya.

AMSAL 25:14

Sinin na janji' anu madi' ko bukuti'nyo sumomo kundom ka' mombun anu madi' montudunakon ujan.

AMSAL 26:12

Mian anu ponga' hondo daagi' lebe ma'ima' nulingkudui na mian anu monsangka butongnyo pande.

YESAYA 58:4

Hau-haunyo belemiu puasa', belemiu mahanggaga ka' mahantuda' moka' mongalamo kabaaniannyo. Osangka nu belemiu, belemiu puasa' mombau da Aku mohongomo do'a nu belemiu?

SISIKON NU TO RASUL-RASUL 15:2

I Paulus ka' i Barnabas talalo hondo nonggagakon pongka'oho' nu to mia-mian aijo'. Ahennyo tinantukan da i Paulus ka' i Barnabas tiba to pia-piangkuka na mian sangga'at lengkat i Antiokhia mamba mokiijo' i Yerusalem da mombisalakon ulusan aijo' tiba to rasul-rasul ka' to pola-polaya' i kiijo' mae.

SISIKON NU TO RASUL-RASUL 18:15

Panyo aiya te pahanggagan mongkona potatae ka' to sanggo-sanggo tiba posi to atu-atulan miu! Jadi komiu na tionyo momputusi hahan aiya. Aku madi' kona na momputusi hahan anu sumo aiya!”

SISIKON NU TO RASUL-RASUL 8:9

I kota aijo' daagi' ko samian na mo'ane sanggonyo i Simon, anu noko to pia-piamangamo na tempo'nyo nombau to mia-mian nu Samaria tinalagoda nu ilimu'nyo. Ia nompoto'i hi to mia-mian tukoonyo ia mian hebat.

ROMA 12:16

Tumuu' mompaha kano-kanonongi samian tiba samian. Boli montige-tige na kinyonyoa, panyo obau na butongum susumo mian anu madi' molabi na kantumuu'annyo. Boli mongoa'i butong lebe pande, padahan madi' pande.

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 2:8

Panyo to mia-mian anu ola monginau' posi butong ka' madi' montapali Tumpu, panyo ola mombatuki anu ma'idek, to mia-mian haha aijo' nu tambuha'i hondo nu Tumpu.

1 KORINTUS 11:16

Jadi de daagi' ko anu mongka'oho' painggaga mongkona han aiya, sala' sa'angu' na kutaloakon aijo'mo saba' mau mule' kita, mau mule' to jama-jama'at nu Tumpu sangga'at, kanjoo'annyo ola sa'angu' na kabiasa'an anu daagi' i uno nu jama'at; de sangga-sangga'atnyo aijo' madi'mo.

1 KORINTUS 11:18

Momona ihongongku tukoonyo i uno nu kasingkabotan-kasingkabotan daagi' ko toto sanggombu na mian anu mompaha pisa-pisala'i. Ka' kututugi sangkiding kabai manjoo' na lele aijo' tantu totu'u.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 3:3

kalana komiu daagi' tumuu' mombatuki sipat miu salaku mian. Kalana de komiu daagi' mongka'ideki tiba mahantuda' hi samian ka' samian, te misa' aijo' mompotiju' taalu' komiu daagi' tumuu' mombatuki sipat nu mian, sumo to mia-mian anu madi' monsumbu' Tumpu?

2 KORINTUS 11:20

Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.

GALATIA 5:15

Panyo de komiu mompaha pisa-pisala'i, jaga dumo saidi' mae komiu hingga-hinggat mongoa'i kasusa'an.

GALATIA 5:26

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

FILIPI 1:15

Memang daagi' ko to pia-piangkuka anu kiijo' hi aha mompolele i Kristus kalana kinyonyoa madi' sanang hi sangalu ka' mongka'oho' painggaga, panyo sangga'at mompolele i Kristus kalana ko kahanda' anu sahondo-hondonyo.

FILIPI 2:14

Obau na iwi-iwi' aijo', ka' boli motusa' kabai painggaga.

FILIPI 2:3

Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

1 TIMOTIUS 1:4

Taloakon hi aha da bolimo daagi' mompajuli to sisi-sisik anu baleko', ka' to sisi-sisik anu pinolengkatannyo madi' ko kamingkotannyo. Iwi-iwi' aijo' ola saja' molubatakon painggagan, ka' madi' mompopodaka' makisut nu Tumpu anu ola timbali osumbu' de palesayamo hi Ia.

1 TIMOTIUS 1:7

Aha mongka'oho' timbali to gulu-gulu' nu agama, padahan posi aha madi' mompangalati'i potatae anu nupake nu aha kabai to hahan anu nutaloakon nu aha ka' anu talalomo nupalesaya nu aha.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

2 TIMOTIUS 2:14

Tionyo ahi' beleyum mompo'ingatakon to mia-mian mongkona iwi-iwi' aijo'. I ahop nu Tumpu opokinde'i na aha boli painggaga mongkona to sisi-sisik. Aijo' madi' ko gunanyo, ola da mompobingong to mia-mian anu mohongo.

2 TIMOTIUS 2:23

Bolimo mombatuki painggagan nu to mia-mian ponga' anu madi' monsumbu' apa-apaa. Nusumbu' saba' iwi-iwi' aijo' ola monsaduakon painggagan.

2 TIMOTIUS 3:4

Aha lebe mongka'ima'i mongkabisa'i, mohangka-hangkat posi butong, ka' madi' mimpikilan mantan. Aha lebe ma'ima' mongka'ima'i kasanangan nu dunia, panyo aha madi' montuluti Tumpu.

TITUS 3:9

Opimpali'i na painggagan anu madi' ko gunanyo, to sisi-sisik anu pa' iyamae na pinolengkatannyo, mompaha lawa-lawani ka' pahantuda'an mongkona atulan nu agama. Iwi-iwi' aijo' madi' ko gunanyo, ka' madi' ko untungnyo.

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

2 PETRUS 2:12

Panyo to gulu-gulu' haha aijo', palias! Aha ola sumo binatang anu inganakakon da o hakop ka' opatei. Aha madi' ko inau'an apa-apaa; panyo ola mokalaja montuluti kabiasa'an nu dunia, sahingga nu gagakon nu aha na hahan anu madi' nu pangalati'i nu aha nu potatae haha aijo' salaku bau ponjojoa. Kalana aijo' posi kalajamo nu aha haha aijo', na aha mate susumo to bina-binatang mangahas.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

YUDAS 1:10

Panyo pinompopo'ise' nu mian haha aijo' nongkonamo iwi-iwi' apaa na anu madi' nu sumbu' nu aha. Aha pokakanamo sumo to bina-binatang anu madi' ko pikilannyo, anu ola monsumbu' hahan kalana kabiasa'annyo. Panyo hahan aijo'mo na nonsaduakon aha matemo.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.