1 TIMOTIUS 6:19 - KITAB NU TUMPU ALLA LELE MA'IMAI'

¹⁹ Tiba jalan anu sumo aijo' aha mompolimu'mo halata' anu ma'ima' anu timbali otaha'imani, anu tokaje aiya mae i ahop. Ka' tiba jalan aijo', aha mohumpakje kantumuu'an anu sampe toka sidu-sidutu', atina'mo kantumuu'an anu totu'u.

1 TIMOTIUS 6:19 ပူးပေါင်းရင်းမြစ်များ

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

AMSAL 10:25

De ko tombusisi' montuda'mae mohopu' na mian anu ma'idek na kinyonyoanyo; panyo mian anu madi' tageo' na kinyonyoanyo tataap mahoson sampe toka sidu-sidutu'.

AMSAL 31:25

Ia oholomati ka' o'angga'i; ka' madi'bata-bata imihinyo mae.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

MATIUS 19:21

I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 18:2

Koonyo i Yesus, “I sa'angu' na kota daagi' ko samian na mian kopian anu madi' mabuhuk hi Tumpu, ka' madi' mompajuli mau mule' ihe.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

FILIPI 3:12

Aku madi' notatae tukoongku aku nohumpakmo kabai tinalakana'mo. Panyo aku saja' mongusahakon da mohumpak tambo anu pinosadiakonmo i Kristus Yesus. Pongka'oho'nyo sumo aijo', sahingga ia nompagalamo nongala aku, ka' nompotimbalimo aku, iamo na tumpu-Nyo.

FILIPI 3:14

Mokonyo aijo' aku sapopopadeka'nyo mompanjolongi anu okahanda'i i ka'ahenannyo mae da mohumpak ka'untungan, aijo'mo kantumuu'an i suluga'; makisut aijo' na Tumpu nolaga kita palesaya hi Kristus Yesus.

1 TIMOTIUS 6:12

Bala usaha totu-totu'u da tumuu' sumo mian Kristen da beleyum mohumpak tambo tumuu' kopian sampe toka sidu-sidutu'. Kalana aijo'mo na kahanda' nu Tumpu molaga beleyum tempo'nyo beleyum nongakuimo i ahop nu mian da'isan tukooyum palesayamo hi Kristus.

2 TIMOTIUS 1:1

O Timotius, anakku anu ku kanonongi! Aku, i Paulus, nontulis sulat aiya toka hi beleyum, ka' montaha'imani, da Tumpu Tuuma ka' Tumpunto i Kristus Yesus mombee'i balakat, kalibosan ka' ka'ima'an hi beleyum. Ka' kalana pongka'oho' nu Tumpu, aku i hangkatmo tinimbali rasul i Kristus Yesus ka' sinai da mompolele mongkona kantumuu'an anu jinanji'mo nu Tumpu. Kantumuu'an aijo' tinatimantomo, kalana nosa'angu'mo tiba i Kristus Yesus.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

1 PETRUS 1:4

Kita montaha'imani da mohumpak to bala-balakat anu tinoukanmo nu Tumpu bau bagi nu mian anu pinalesayamo hi Ia, aijo'mo to bala-balakat anu pino'una'-Nyomo i suluga', sahingga madi' timbali ma'idek kabai mabusik kabai mule' mongabali'.