1 TIMOTIUS 6:18 - KITAB NU TUMPU ALLA LELE MA'IMAI'

¹⁸ Poita hi aha da mompotoa ka'ima'an, da manjoo' na mombau hahan anu ma'ima', manonong, ka' mongka'ima'i mobagi.

1 TIMOTIUS 6:18 ပူးပေါင်းရင်းမြစ်များ

2 TAWARIKH 24:16

Ia i lamun i pinolamunan to tomu-tomundo i kota' Daud salaku bau pongadati apa-apaa na anu binaunyomo hi Tumpu Allah, hi Laigan nu Tumpu, ka' hi mian Israel anu pinalesayamo hi Tumpu.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

ANU MOMPOLELE POTATAE NU TUMPU 11:6

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

ANU MOMPOLELE POTATAE NU TUMPU 3:12

Ku sumbu' saba' hi kita madi' daagi' ko anu lebe ma'ima' aijo'mo balame-lame' ka' mongoa'i kopinnyo nu kantumuu'anto.

YESAYA 32:8

Panyo anu manonnong nakalakuannyo na saja' ahi' montanga'i palabuatan manonong ka' mombau apa-apaa saja' ahi' manonong.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MATIUS 5:42

De komian mompoita apa-apaa hi komiu, bee'iakonmo na ia. Ka' boli mule' tolo madi' himian anu mongka'oho' mosabon apa-apaa hi beleyum.”

LUKAS 12:21

Sumo aitumo na katimbaliannyo nu batu-batu mian anu ko usaha da timbali kaya bau kapentingan nu butongnyo, panyo madi' ko usaha da timbali kaya i mata nu Tumpu.”

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

ROMA 12:8

Mian anu ko balakat mongkakeha'i mian sangga'at, tionyo totu-totu'u mongkakeha'i mian sangga'at. Mian anu ko balakat mombee'i mian sangga'at apaa na anu daagi' hi ia, tionyo obau na aijo' nu kinyonyoa manonong ka' pantas. Mian anu ko balakat mongatun, tionyo totu-totu'u mongatun. Mian anu ko balakat mompotoa kalibosan hi mian sangga'at, tionyo obau nu kinyonyoa sanang.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 3:11

Ia tionyo ahi' mompimpali anu ma'idek ka' mombau anu ma'ima'; bala usaha ahi' totu-totu'u na ia da mohumpak paladamean.

1 YOHANES 3:17

De samian anu daagi' ko kangalabian, montoa utusnyo anu madi'mo ko apa-apaa, panyo madi' mongka'oho' montulungi utusnyo aijo', mosia na mian aijo' timbali montaloakon tukoonyo ia mongkalibosi Tumpu?

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.