1 TIMOTIUS 6:17 - KITAB NU TUMPU ALLA LELE MA'IMAI'

¹⁷ Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 TIMOTIUS 6:17 ပူးပေါင်းရင်းမြစ်များ

KAJADIAN 13:2

I Abram kaya hondo; ia daagi' ko domba, mee', sapi' ka' mule' salaka tiba mosoni'.

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

MAZMUR 104:28

Belento na mombee'i, ka' aha na mongala montoluki Belento na montoukai, ka' aha na mongkaan sampe ma'osa.

MAZMUR 52:7

Panyo beleyum nu silakaimo nu Tumpu sampe toka sidu-sidutu'; beleyum ohakopmo ka' ohela'mo lengkat atina' mae ilaigan nu beleyum, ka' o'alinimo da madi'mo jojoong idunia nu mian anu tumuu'.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

AMSAL 11:28

Ihe na talalo montaha'imani halata' saidi mae mohudu'mo susumo hon nu kau' anu manggasmo, panyo mian anu palesaya totu-totu'u mompaka panjoo'mo susumo sumpe nu kau'.

AMSAL 23:5

Kalana, ola sangkinihap halata' nu beleyum aijo' lanyapmo sumomo ia anu ko polipiknyo ka' lumahap mokiita' i langa susumo bonyia'.

AMSAL 27:24

kalana kakaya'an madi' sampe toka sidu-sidutu'; ka' mule' kuasa mompalentah madi' tataap sampe toka sidu-sidutu'.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

ANU MOMPOLELE POTATAE NU TUMPU 2:24

Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 49:4

O, belemiu anu madi' tulu-tulutan! Kadaka' belemiu nontakabunakonmo bangka'nyo haha atina' nu belemiu anu toto lumba-lumba'? Apaa na sababnyo belemiu nontaha'imanimo kakaya'an nu belemiu? Iya na jadi na belemiu montaloakon, au' aitu madi' ko samian anu baani montumbuhi belemiu?

YEHEZKIEL 16:56

Temisa' beleyum toho'mo ahi' nongkokojoi Sodom tempo'nyo beleyum daagi' kinobubuun.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

MATIUS 12:32

De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

MATIUS 19:23

Lantas i Yesus notatae hi anu saja' mombatuki Ia, “Aku motatae hi beleyum, susa' hondo na mian anu kaya timbali mian anu palesayamo hi Tumpu.

MATIUS 25:16

Posaihon anu nontalima olima' na madala doi mosoni' aijo' lia-lia' namba binadagang, lantas nohumpak ka'untungan olima' na madala doi mosoni' mule'.

MATIUS 27:57

Pihi aijo' tinokamo na samian anu kaya lengkat mae i Arimatea, sanggonyo i Yusuf. Ia suele anu saja' mombatuki Yesus.

MATIUS 6:32

Hahan aijo' saja' pagala o lio nu to mia-mian anu madi' monsumbu' Tumpu. Padahan Tuumaum anu i suluga' monsumbu', saba' komiu mompalalui iwi-iwi' aijo'.

MARKUS 10:24

Anu saja' mombatuki Ia, binangang na nohongo potatae i Yesus aijo'. Panyo i Yesus notatae mule', “To ana-anaku, memang susa' na timbali minsoop mian anu palesayamo hi Tumpu!

LUKAS 19:2

I kota kiijo' daagi' ko samian kapala nu topo tage hasin anu kaya, sanggonyo i Zakheus.

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 17:25

Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.

ROMA 11:20

Aijo' memang totu'u. Panyo aha o'alin kalana aha madi' palesaya, panyo kita Utus otalimamo kalana kita Utus pinalesayamo. Jadi boli kita timbali kobubuun kalana tinalimamo; ola ahi' kita Utus tionyo mongoa'i mabuhuk.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

PO'ULE' INGULIT 33:15

O'amalakon da bungkutnyo iwi-iwi' anu naipuan pe'e mae mobuke' nu isinyo anu toto ima-ima'.

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

1 TIMOTIUS 1:3

Ku kahanda'i da beleyum tataap jojoong i Efesus, sumo anu pagalamo pinoto'ingku hi beleyum tempo'nyo aku namba i Makedonia. Kalana i Efesus daagi' ko to pia-piangkuka na mian anu mombebakon pangajalan anu madi' totu'u, ka' beleyum tionyo mompobelenti aha.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

1 TIMOTIUS 4:10

Aijo' na sababnyo kita mompagala ahi' bala usaha mokalaja totu-totu'u, kalana kita montaha'imani ahi' totu-totu'u hi Tumpu Allah anu tumuu'; Iamo na anu Momposalamat iwi-iwi' na mian, ka' anu talalo hondo to mia-mian anu pinalesayamo.

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

TITUS 3:6

Tumpu nombee'imo mae Roh-Nyo hi kita kalana pakalaja'an i Yesus Kristus, Tomundo anu Momposalamat kita,

2 PETRUS 1:11

Tiba jalan anu sumo aijo' komiu obee'i hak totu-totu'u da minsoop i Kalaja'an anu sampe toka sidu-sidutu' lengkat mae hi Tumpu ka' Tomundo anu Momposalamat kita i Yesus Kristus.