1 TIMOTIUS 6:11 - KITAB NU TUMPU ALLA LELE MA'IMAI'

¹¹ Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

1 TIMOTIUS 6:11 ပူးပေါင်းရင်းမြစ်များ

1 TOMU-TOMUNDO' 13:1

Tempo'nyo aitu daagi' ko nabi samian kiijo' i Yehuda. Ia pinokau nu Tumpu da mamba i Betel. Nabi aijo' tinoka i kiijo' tempo'nyo i Yerobeam hau-haunyo tinjo-tinjo i ahop nu mezbah monsombahkon koloban.

1 TOMU-TOMUNDO' 13:26

Salatan i hongomo nu nabi anu i lalangkai'mo aijo' ia notataemo, “Tantu kiijo'mo na nabi anu madi'mo nontuluti palentah nu Tumpu! Mokonyo' aijo'.”

1 TOMU-TOMUNDO' 17:18

Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”

1 TOMU-TOMUNDO' 17:24

Tinaaman nu balu' aijo', “Aiyaje ka'sinumbu'ku taalu' belento Tuuma posaihon mae nu Tumpu Allah, ka' anu otaloakon nu belento Tuuma memang totu'u lengkat mae hi Tumpu!”

1 TOMU-TOMUNDO' 20:28

Lantas tinokamo na nabi samian hi Tomundo' Ahab ka' nompoto'i, “Sumo uuka na pinoto'i mae nu Tumpu: 'Kalana mian nu Siria haha aijo' monsangka tukoonyo Aku ola mongkuasai bungkutnyo panyo' hatanyo madi', jadi Ku po'untungmo na belemiu mahampate mongewa suludadu nu aha anu talalo hondo manjoo'. Beleyum ka' mian anu nu palentah monsumbu'je taalu' Akumo na Tumpu.’ ”

2 TOMU-TOMUNDO' 1:13

Po'ule' mule' sinai i tomundo' na samian na suludadu anu matangkas na pangkatnyo tiba aha limampulu' na to sulu-suludadu sangga'at. Suludadu anu matangkas na pangkatnyo nindakomo i bungkutnyo ka' salatan tinokamo i ahop i Elia, ia tinolodadupumo ka' notatae, “Ampuniakon mae na kami, o pos posaihon nu Tumpu Allah! Kalibosiakon mae na aku ka' iwi-iwi' sangko suludadungku aiya. Boli opatei mae na kami.

2 TOMU-TOMUNDO' 1:9

Lantas ia nonsaimo samian na suludadu anu matangkas na pangkatnyo ka' aha limampulu' na to sulu-suludadu da mamba mohakop i Elia. Suludadu anu matangkas na pangkatnyo aijo' nambamo lantas siningkabotmo i Elia hau-haunyo suha-suhang i sa'angu' na puge'nyo. “He, posaihon nu Tumpu Allah,” na koonyo nu suludadu anu ko pangkatnyo aijo', “beleyum pinalentahmo i tomundo' da mintudunmo mae!”

2 TOMU-TOMUNDO' 23:17

Sahingga pinokilawanyomo, “Kubulan ihe na aiya?” Mian nu Betel haha aijo' nontaami, “Aijo' kubulan nu samian na nabi nu Tumpu anu toho'mo tinoka i aiya, lengkat mae i Yehuda, ka' anu nompoto'imo hahan anu sala'je binau nu belento Tomundo' mongkona mezbah aiya.”

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

1 TAWARIKH 23:14

To ana-anak mo'ane i Musa posaihon nu Tumpu Allah aijo', pinosoop hi tulunan mae nu bansa Lewi.)

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

NEHEMIA 12:36

Aitu mae i hiku nu aha anu lumajang montuntuni aijo'mo to mia-mian anu bubu' aha mae sa'anakan, aijo'mo: i Semaya, i Azareel, i Milalai, i Gilalai, i Maai, i Netaneel, i Yehuda tiba i Hanani. Aha iwi-iwi' nontoongi pakakas musik susumo anu lewa' nukuti' i Tomundo' Daud, posaihon nu Tumpu Allah. I Imam Ezra, anu pande-pande hondo i Atulan nu Tumpu Allah aijo', lumajang mamba momona hondo aita' hi mian anu nojiji'mo na i lumajang.

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 38:20

To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

AMSAL 15:9

Tumpu mongka'ideki kalakuan nu mian anu duluhaka; panyo Ia mongkalibosi mian anu mompagala mombau apaa na anu Nu kahanda'i.

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

YEREMIA 35:4

Aku nomboamo aha i Laigan nu Tumpu, i uno nu dasanyo nu to muli-mulit i Nabi Hanan anak i Yigdalya. Dasanyo aijo aita mae ibawonyo nu dasanyo i Imam Maaseya anak i Salum koko dasanyo nu to mia-mian anu kopangkatnyo sangga'at. I Maaseya pagawe anu matangkas na pangkatnyo anu monjagai iwi-iwi' na sabatan i Laigan nu Tumpu.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

1 KORINTUS 10:14

Mokonyo aijo', to Utu-utus anu ku ku kalibosi, tionyo ahi' komiu mongka'ideki monsombah pilogot.

1 KORINTUS 14:1

Tionyo ahi' komiu bala usaha mongkalibosi to mia-mian sangga'at. Ka' bala usaha suele da mohumpak to bala-balakat anu nubee' nu Roh nu Tumpu, ka' anu talalo hondo, da moko ala monsisikakon tanga'an-tanga'an nu Tumpu hi mian.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

PO'ULE' INGULIT 16:20

Belemiu tionyo ahi' saja' adin, da timbali tumuu' tataap ka' mohumpak ka'ima'an i tano' anu binee'mo nu Tumpu Allah nu belemiu hi belemiu.

PO'ULE' INGULIT 33:1

Ma'isa pe'e sinilaka na i Musa, anu sinai mae nu Tumpu Allah, ia nombalakatimo bansa Israel, ia notatae sumo uuka:

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

1 TIMOTIUS 6:20

Apaa na anu pinalesayakonmo hi beleyum, ojagai na aijo' ma'i-ma'ima', Timotius! Opatikojo'oni na to sisi-sisik anu madi' mingkaliangan ka' painggagan mongkona hahan anu madi' totu'u, osanggohimo “Sa'angu' na Ilimu'.”

2 TIMOTIUS 2:21

Mian anu mompokopiani butongnyo i han iwi-iwi' anu ma'idek, mian aijo' opakeje da bau kapalaluan anu talalo penting. Ia samata-mata timbalimo anu nu tuannyo, ka' mingguna hi tuannyo. Ia pinosadiamo da opake iyayamae na pakalaja'an anu ma'ima'.

2 TIMOTIUS 2:22

Pimpali na kasanangan nu mian anu daagi' olitau. Bala usaha da kantumuu'an mombatuki pongka'oho' nu Tumpu, tulu-tulutan i pangajalan-Nyo ka' mongkalibosi sangko mian, ka' mule' kinyonyoa sanang. Tumuu'mo sumo aijo' tiba aha anu mongkakase momoita tulung hi Tumpu i uno nu kinyonyoa anu ma'ima'.

2 TIMOTIUS 3:10

Panyo beleyum nontulutimo to aja-ajalanku, kalakuanku, ka' patuju nu kantumuu'anku. Beleyum nosi toamo mosia na aku totu-totu'u palesaya hi Yesus Kristus ka' mongkalibosi sangko mian. Beleyum mule' monsumbu' kasabalan ka' kahosonan nu kinyonyoangku.

2 TIMOTIUS 3:17

Tiba Kitab nu Tumpu aijo' mian anu mombau palentah nu Tumpu aijo' mohumpakmo ilimu' anu sukup anu ogunakon ingangahan nu pakalaja'an anu ma'ima'.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

1 PETRUS 3:11

Ia tionyo ahi' mompimpali anu ma'idek ka' mombau anu ma'ima'; bala usaha ahi' totu-totu'u na ia da mohumpak paladamean.

1 SAMUEL 2:27

Daagi kinosansinaan, tinokamo na nabi samian hi Eli ka' nompoto'i potuunon nu Tumpu hi ia. Ia notatae, tempo'nyo mompolee' mae nu beleyum hi Harun tiba to ana-anaknyo timbalimo posaihon nu tomundo' Mesir, Aku nanintoamo hi Harun.

1 SAMUEL 9:6

Posaihon aijo' nontaami, “Boli pe'e! I kota aiya daagi ko posaihon nu Tumpu Allah. Ia o angga'i hondo nu mian kalana apaa na anu nu taloakon saja' totu-totu'u jadi madi' baleko'. Imbo' da kita mamba hi ia, ihe na monsumbu' timbali nu poto'i, iyamae na keledai haha uutu.”