1 TIMOTIUS 6:10 - KITAB NU TUMPU ALLA LELE MA'IMAI'

¹⁰ Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 TIMOTIUS 6:10 ပူးပေါင်းရင်းမြစ်များ

KAJADIAN 29:14

i Laban notataemo, “Memang totu'umo, beleyum julu anu daagi' ohani mae tiba aku.” I Yakub jinojoong i laigan aijo' sina'angu' na bitu'on.

KAJADIAN 29:26

Tinaaman i Laban, “Adat mami i aiya, utus ise' madi' timbali mo'osoa momona moliu-liumo utus tu'a.

KAJADIAN 34:27

Noko lapas na nompatei, to ana-anak i Yakub sangga'at nompahuhuimo kota aijo' salaku pombalosi nu aha kalana utus ise' nu aha binusikanmo na sanggonyo.

KAJADIAN 38:16

Lantas ingohanianmo i Yehuda i sohipi' nu jalan aijo' ka' notatae, “Sangkuka na nu poita?” Madi' sinumbu'nyo na boune aijo' moniannyo. I Tamar nontaami, “Yayamo belento Tuan.”

1 TOMU-TOMUNDO' 2:40

ia nompokonamo kasake'an i keledainyo, lantas ia nambamo hi Tomundo' Akhis kiijo' i Gat molio posaihonnyo ua-ua'aha aijo'. Ia nohumpak aha lantas binoanyomo na aha ninsusule'.

2 TOMU-TOMUNDO' 5:27

Kalana beleyum nongalamo anu binee'nyo aijo' beleyum suele nongalamo panyakit i Naaman. Ka' mule' sampe toka sidu-sidutu' lee' nu beleyum suele nu konamo nu panyakit aijo'!” Salatan i Gehazi nosabatmo lengkat kiijo', ia kinonamo nu panyakit kilit – kilitnyo nopute'mo hondo.

MAZMUR 32:10

Mian anu baladosa' saja' nu tokai mae nu kasansala'an; panyo mian anu saja' montaha'imani Tumpu tataap nu jagai nu kalibosan-Nyo.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

AMSAL 1:19

Memang mian anu molio anu okaan panyo olio nu kalakuan lewa' pagala mompakisa, posi nyawanyo je na bau pombayannyo.

AMSAL 1:31

Kalana aijo', belemiu montalimaje balosnyo apa-apaa na anu binaumo nu belemiu ka' sinin na tanga'an nu belemiu anu ma'idek.

AMSAL 15:27

Ihe na molio ka'untungan anu madi' halala' mompateimo posi auannyo; panyo ihe na mongka'ideki doi anu bau ponsogo' saidi' mae kantumuu'annyo sanang.

ANU MOMPOLELE POTATAE NU TUMPU 2:19

Ka' ihe na monsumbu' pa' ia anu pande kabai anu ponga'? Panyo maumo pa' mosia ia ahi' na timbali montumpui hasin nu kalajangku anu bibinaungkumo tempo'nyo tinumuu' i dunia aiya, salaku balakat nu lawengku tiba kapandeanku bapikin. Jadi aijo' suele madi' ahi' ko gunanyo.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YEHEZKIEL 13:19

Belemiu nompopo ambangmo mae Aku ola kalana da mohumpak to pia-piangkakup na jelai tiba to pia-piangkolong na roti. To mia-mian anu madi' ko kasala'an opatei nu belemiu padahan anu aha to mia-mian anu pantasmo mate na ola ahi' opojohok nu belemiu tumuu'. Lantas mian anu palesayamo hi beleng-Ku obaleko'i nu belemiu sahingga aha palesayamo hi belemiu.’ ”

YEHEZKIEL 16:33

Samian na boune anu saja' masala' na mohumpak ahi' bau pombayali ia, panyo hi beleyum na madi' ahi' sumo aijo', beleyum mule' ahi' na mombee'i palasen hi to miamian anu monsinta beleyum, pakalaus mule' pagala nu sale'i nu beleyum na aha da obee'ije doi da toka lengkat mae iyaya na tampat ka' moduhusmo tiba beleyum.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MATIUS 6:19

“Boli molimu' halata' da bau kapalaluan nu butongum i dunia, iya na ane' ka' atak timbali mongidei, ka' tololang toka montomang.

MARKUS 4:19

panyo kantumuu'an nu aha daagi' bata-bata ka' mongka'ima'i tumuu' sanang. Lupa-lupa na napisu minsoop i uno nu kinyonyoa nu aha. Kalana aijo' lele anu lengkat mae hi Tumpu ingipidanmo nu kinyonyoa nu aha da madi' mimbua'.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 6:21

Kalana daagi' ko to mia-mian anu montaloakon tukoonyo aha daagi' ko ilimu' aijo', sahingga madi'mo pokakana tiba pangajalan nu Kristen anu nu palesaya nu aha u'utu mae. O amalakon da Tumpunto mombalakati to Utu-utus. Tabea' mami, I Paulus 13

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

YAKOBUS 5:19

To Utu-utusku! De itina' hi komiu daagi' ko pa' anu madi'mo daagi' montuluti pangajalan anu lengkat mae hi Tumpu, lantas mian sangga'at mompotimbali mian aijo' po'ule' minsusule' hi Tumpu Allah,

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.

ANU PINOTO'I HI YOHANES 18:13

kilit kayu manis, to lampa-lampa, dupa, mur, ka' kamangian; anggur ka' lanya', labu ka' gandum, sapi' ka' domba, ajahan ka' kereta, to posa-posaihon ka' suele mule' nyawa nu mian.