1 TIMOTIUS 5:9 - KITAB NU TUMPU ALLA LELE MA'IMAI'

⁹ Ola balu anu sosokmo i atulan haha aiya yo, timbali oposoop i uno nu daputan nu to balu-balu: Umunnyo tionyo madi' maga'a lengkat i anompulu' na taun, u'utu mae ola minsan na no'osoa,

1 TIMOTIUS 5:9 ပူးပေါင်းရင်းမြစ်များ

IMAMAT 14:42

Lantas batu haha aijo' anu ingalinakonmo tionyo ahi' obolosi nu batu anu toto bu'ou-bu'ou. Iwi-iwi' na mesen nu laigan aijo' tionyo ahi' olapisimo nu pelester anu bu'ou.

1 TIMOTIUS 3:12

Pabantun nu jama'at tionyo ahi' ola samian nabengkele'nyo. Ia tionyo ahi' monsumbu' mongatun to ana-anaknyo ka' auwannyo ma'i-ma'ima'.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 5:11

Boli oposoop i uno nu daputan aijo' to balu-balu anu ma'isa talalo bengkele'. Kalana de aha ko kinyonyoamo moduhus tiba mo'ane talalomo kosuhu-suhut aha mongkahanda'imo, da po'ule' mule' mo'osoa ka' mompala'imo i Kristus.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

1 TIMOTIUS 5:16

Panyo de daagi' ko boune mian Kristen ko utus anu binalumo, ia tionyo montulungi balu haha aijo'; boli mompojohok jama'atje na montanggungi aha. Tiba jalan anu sumo aijo' jama'at timbali montulungi balu haha aijo' anu madi' mohondo ko sampoto utusannyo.