1 TIMOTIUS 5:8 - KITAB NU TUMPU ALLA LELE MA'IMAI'

⁸ Panyo de ko mian anu madi' montombuati to julu-julunyo, lebe-lebe mule' to utu-utusnyo, mian aijo' motundemo i kapalesaya'annyo; ia lebe ma'idek nu lingkuduimo na mian anu madi' palesaya.

1 TIMOTIUS 5:8 ပူးပေါင်းရင်းမြစ်များ

KAJADIAN 30:30

Ma'isa pe'e aku tinoka, halata' nu belento Babo' ma'isa pe'e sangkuka, panyo uuka aiya belento Babo' kinayamo. Tumpu nombalakatimo belento Babo' kalana aku. Uuka aiya tempo'nyomo na aku mokalaja bau kapentingan nu kami salaigan.”

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

MATIUS 7:11

Mau mule' komiu ma'idek, komiu suele mombee' anu ma'ima' hi to ana-anakum. Apaa mule' Tuumaum i suluga'! Ia lebe mule' mombee' anu ma'ima' hi mian anu momoita hi Ia.

YOHANES 15:22

De Aku madi' tinoka ka' madi' nontaloakon iwi-iwi' aijo' hi aha, aha madi' baladosa'. Panyo uuka aha madi'mo daagi' ko pintoongan molio kahondoan i dosa' nu aha.

1 KORINTUS 6:6

Panyo ola mule' ko mian Kristen anu mamba hi anu misa' Kristen kahanda' mongkalaak palakalanyo mongkona Utusnyo anu Kristen!

2 KORINTUS 12:14

Uuka aiya ko pintolunnyomo na aku mosadia mamba molenga komiu. Ka' aku madi' mongka'oho' momposusa' komiu, kalana anu ku kahanda'i misa' apaa na anu daagi' hi komiu, panyo butong miu. Kalana misa' to ana-anak na anu tionyo molio kaanon nu tu'anyo, panyo tu'anyo ahi' na anu tionyo molio kaanon nu to ana-anak.

2 KORINTUS 6:15

Madi' toho' i Kristus mosa'angu'mo tiba Ibilis. Te apaa na pokakanannyo mian Kristen tiba misa' mian Kristen?

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

2 TIMOTIUS 2:12

De kita tataap sabaan, kita mompalentahje suele tiba Ia. De kita madi'mo mongakui Ia, Ia suele madi'mo mongakui kita.

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.