1 TIMOTIUS 5:7 - KITAB NU TUMPU ALLA LELE MA'IMAI'

⁷ Opotokakon na to sonto-sonto' aiya hi aha, da aha tumuu' madi' ko aluknyo.

1 TIMOTIUS 5:7 ပူးပေါင်းရင်းမြစ်များ

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

1 TIMOTIUS 1:3

Ku kahanda'i da beleyum tataap jojoong i Efesus, sumo anu pagalamo pinoto'ingku hi beleyum tempo'nyo aku namba i Makedonia. Kalana i Efesus daagi' ko to pia-piangkuka na mian anu mombebakon pangajalan anu madi' totu'u, ka' beleyum tionyo mompobelenti aha.

1 TIMOTIUS 4:11

O'ajanakon na iwi-iwi' aijo' ka' opokau na to mia-mian da montuluti.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

TITUS 1:13

Apaa na anu tinaloakon nu nabi aijo' memang totu'u. Aijo' na sababnyo beleyum tionyo ahi' sabole-bole montewa' aha; da aha tataap mintoong i jalan anu totu'u

TITUS 2:15

Ajanakon na iwi-iwi' aijo', ka' opokinde'i, ka' otewa' na anu ma'idek hi batu-batu mian anu mohongo beleyum ka' da nupajuli nu aha. Boli mompojohok samian pe'e montoa beleyum madi' ko angga'nyo.