1 TIMOTIUS 5:6 - KITAB NU TUMPU ALLA LELE MA'IMAI'

⁶ Panyo balu anu mongka'oho' tumuu' ola basana-sanang, ia natemo mau mule' ia daagi' tutuu'.

1 TIMOTIUS 5:6 ပူးပေါင်းရင်းမြစ်များ

KAJADIAN 2:17

Panyo kau' anu mombee'i ilimu' da monsumbu' han anu ma'ima' ka' han anu ma'idek boli. Bua'nyo madi' timbali beleyum mongkaan; de beleyum mongkaan, beleyum silakamo i sinaa aijo'.”

AMSAL 29:21

Posaihon anu opopo'ense daagi' pe'e olitau, kabai daagi langkoyang ahennyo timbalimo panggaga.

YESAYA 22:13

Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.

YEREMIA 6:2

Kota' Sion handa hondo, panyo nu hansunimo nu Tumpu;

MOHAANGI 4:5

Aha anu saja' mongoa'i mongkaan anu to tami-tami', ka' tumuu' i uno nu kalambakan uuka aiya dinumadangkangmo molio kaanon i tambulan nu duhehe, ka' sinilakamo nu ohop tutuus jalan.

MATIUS 8:22

Panyo i Yesus nontaami, “Batuki na Aku, ka' pojohokmo na mian anu sinilakamo molamun miannyo anu sinilakamo.”

LUKAS 12:19

Lapas aijo' kutaloakonje i posi butongku, ‘Beleyum mohumpakmo dale'! Iwi-iwi' anu ma'ima' daagi'mo hi beleyum ka' madi' ko kamingkotannyo sataun toka sataun. Pingkainmo tempo' uuka! Lewa'mo pongkaan ka' ponginum ka' o'oa'i na kasanangan nu kantumuu'an!’

LUKAS 15:13

Madi' pinin lengkat i aitu pinobaluknyomo nu anak tatampalui' aijo' na pusaka' anu binagimo, ka' i namba i lipu' majo'on. I kiijo' mae ia nombeasakonmo doinyo ka' tumuu' moluluk.

LUKAS 15:24

Kalana anakku aiya i natemo, aiya tinumuu'mo mule'; ia nolapusmo, uuka i humpakkumo mule'.’ Balo aha nombau bau-bauon.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 7:25

Komiu namba montoa apaa? Samian na anu mimbaju' ma'ima'? To mia-mian anu mipake sumo aijo', ka' anu tumuu' molabi jojoong i laigan nu tomundo!

EFESUS 2:1

Naipuan mae rohani miu i natemo kalana komiu binala dosa'mo ka' nolanggaimo to pale-palentah nu Tumpu.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

PO'ULE' INGULIT 28:54

Sadang tulunan nu mian daka' pe'e anu talasanggo ka' ma'ima' na kinyonyoanyo tempo'nyo aha otumbuhimo aijo' suele hentemo na kinyonyoa, sahingga posi to ana-anaknyo nukaanmo kalana madi'mo ko anu okaan sangga'at. Mau pe'e ola sangkiding ia madi'mo mombee'i utusnyo kabai bengkele'nyo anu nu kanonongi kabai to ana-anaknyo anu daagi' tutuu'.

PO'ULE' INGULIT 28:56

Sadang boune tulunan nu mian daka' anu talasanggo ka' ma'ima' na kinyonyoanyo ka' anu kaya hondo sahingga madi' toho' lumajang tengke, mombaumo sumo aijo' suele. Salatan sampobali' nu aha nontumbuhimo mae kota aijo', boune aijo' hentemo na kinyonyoanyo kalana mo'ohopmo, sahingga hoko-hokot kinaannyomo na anaknyo anu sala'je pinohampenyo tiba tobuni'nyo. Mau ola sangkiding madi' binee'annyo na langkai'nyo anu nu kanonongi kabai hi to ana-anaknyo.

KOLOSE 2:13

Naipuan mae komiu natemo na kapalesaya'an kalana komiu binala dosa'mo, ka' kalana komiu madi' sinunat nu adat nu dunia. Panyo uuka aiya Tumpu nompotumuu'mo komiu hingga-hinggat tiba i Kristus. Tumpu nongampunimo iwi-iwi' na dosa'to,

2 TIMOTIUS 3:6

Daagi' ko anu kiijo' hi aha anu ninsoopmo i to lai-laigan, lantas nonggodamo to bou-boune anu ma'isa talalo palesaya ka' manjoo' hondo na dosa', ka' kinuasanmo nu ngangahan na anu oka'ima'i.

YAKOBUS 5:5

Komiu tinumuu'mo molabi-labi ka' nongoa'imo kasanangan nu dunia aiya. Komiu sumomo anu hau-haunyo mompilompo'imo butong miu da o kolot toka i sinaanyo.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’

ANU PINOTO'I HI YOHANES 3:1

“Toka hi malaikat anu kiijo' hi jama'at nu Sardis, tulismo sumo uuka: Aiyamo na potuunon lengkat mae hi Ia anu montumpui popitu' na Roh lengkat mae hi Tumpu, ka' popitu' na mandala' aijo'. Kusumbu' apaa na anu obau miu. Koonyo belemiu daagi' tumuu', padahan belemiu i natemo!

1 SAMUEL 15:32

Lapas aijo' i Samuel nompalentahmo, “Boa mae mo uuka na i Tomundo' Agag,” i Agag nambamo hi ia, ka' ia nontaha imanimo kalana tinutugannyo, “Balaa' kapatean i madi'mo.”

1 SAMUEL 25:6

monsingkaboti i Nabal da mompotoka salando'a i Daud hi ia. Ia nonsai aha mompoto'i sumo uuka hi Nabal, “Salando'angku da mohumpak ka'ima'an na belento ka' mule' belemiu salaigan tiba iwi-iwi' apaa na anu nu belento.