1 TIMOTIUS 5:22 - KITAB NU TUMPU ALLA LELE MA'IMAI'

²² Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

1 TIMOTIUS 5:22 ပူးပေါင်းရင်းမြစ်များ

MAZMUR 50:18

De beleyum montoamo samian anu biasa mombuling, beleyum montihomo ia, ka' beleyum mogandi-gandimo tiba to mia-mian anu saja' masala'.

SISIKON NU TO RASUL-RASUL 13:3

Ilapas binapuasa' ka' binalado'a aha nompotiik lima i buan nu ubak hi Barnabas ka' hi Saulus lantas nonsai aha ohu-ohua'.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

SISIKON NU TO RASUL-RASUL 20:26

Mokonyo aitu totu-totu'u hondo na kutaeyakon hi komiu sinaa uuka aiya, saba' de daagi' ko anu atina' hi komiu silaka saidi' mae, atina' misa' sala'ku.

SISIKON NU TO RASUL-RASUL 6:6

Aha popi-popitu' na mian aijo' opoita hi to rasul-rasul, da to rasul-rasul aijo' mondo'akon mompoita balakat hi Tumpu toka hi aha.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

1 TIMOTIUS 3:10

Tionyo ahi' aha o'uji' pe'e, ka' de nyata' aha madi' ko sala'nyo atina'je ka' aha timbali pabantun nu jama'at.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

2 TIMOTIUS 1:6

Kalana aijo' aku mompo'ingat beleyum da ogunakon hondo-hondo na balakat anu binee' nu Tumpu hi beleyum tempo'nyo aku nombalakatimo beleyum.

2 TIMOTIUS 2:2

Ajalan anu u'utu mae i hongoummo lengkat hi belengku i ahop nu mian da'isan, tionyo ahi' beleyum mompalesayakonmo hi to mia-mian anu timbali opalesaya ka' anu pande na mongajan mian sangga'at.

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

YOSUA 9:14

Sahingga aha mian nu Israel nongalamo sangkiding anu okaan nu aha mian Gibeon aijo', ka' madi'mo nompokilawa hi Tumpu mongkona han aijo'.

2 YOHANES 1:11

Kalana mian anu monsalan do'ai mian anu sumo aijo', singkonamo sumo mian aijo' mombau anu ma'idek.

ANU PINOTO'I HI YOHANES 18:4

Lantas aku nohongo potatae sangga'at lengkat mae i suluga' nontaloakon, “Posabatmo mae, na mian-Ku anu pinalesayamo hi Beleng-Ku! Posabatmo mae lengkat i unonyo! Bolimo belemiu mombatuki to dosa-dosa'nyo, ka' manintuangmo montanggung hukumannyo!