1 TIMOTIUS 5:21 - KITAB NU TUMPU ALLA LELE MA'IMAI'

²¹ I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

1 TIMOTIUS 5:21 ပူးပေါင်းရင်းမြစ်များ

MAZMUR 107:43

O'amalakon da mian anu pande mompotutugakon iwi-iwi' aijo' ka' mongakui tukoonyo Tumpu sabole-boleh mongkalibosi.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

IMAMAT 14:42

Lantas batu haha aijo' anu ingalinakonmo tionyo ahi' obolosi nu batu anu toto bu'ou-bu'ou. Iwi-iwi' na mesen nu laigan aijo' tionyo ahi' olapisimo nu pelester anu bu'ou.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

LUKAS 20:21

Jadi to mia-mian anu pinonsuu' akonan aijo' notataemo hi Yesus, “Kita Tuumangku Gulu', osumbu' mami iwi-iwi' na anu tinaloakontomo nu Kita Tuuma ka' pinogulu'mo aijo' totu'u. Osumbu' mami mule' Kita Tuuma mompogulu' mana-manasa mongkona kahanda' nu Tumpu hi mian, kalana Kita Tuuma, madi' mompile'i mian.

LUKAS 9:26

De mian ma'ambang mongakui Aku tiba pangajalan-Ku, Anak nu Mian suele ma'ambang na mongakui mian aijo', de Ia po'ule'mo toka tiba kuasa-Nyo, ka' tiba kuasa nu Tumpu hingga-hinggat kuasa nu to mala-malaikat anu susi'!

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

PO'ULE' INGULIT 1:7

Uuka mo kijo i da'erah titikup aitumo Bangka'nyo nu Yordan da'erah nu sa bungku-bungkut ka' bangka'nyo da'erah sasu salaitan ka' bangka'nyo da'erah sasu salaitan ka' sonibi nu Ambai Totonga. Lako'mo jojong i tano nu Kanaan ka' bungkutnyo nu Libanon toka-toka kaunyo daka Efrat

PO'ULE' INGULIT 33:9

Aha nontulutimo Belento, nolabimo han iwi-iwi', molabi tu'anyo nu aha ka' to utu-utus nu aha. Iwi-iwi' na palentah nu Belento tinulutanmo nu aha, palajanjian nu Belento binaumo nu aha.

1 TESALONIKA 5:27

Kalana kuasa nu Tumpu, ku poita sabole-bole da komiu mombasa'akon sulat aiya hi iwi-iwi' Utus anu sampo palesaya.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

2 TIMOTIUS 2:14

Tionyo ahi' beleyum mompo'ingatakon to mia-mian mongkona iwi-iwi' aijo'. I ahop nu Tumpu opokinde'i na aha boli painggaga mongkona to sisi-sisik. Aijo' madi' ko gunanyo, ola da mompobingong to mia-mian anu mohongo.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.

ANU PINOTO'I HI YOHANES 14:10

mian aijo' na monginum anggur nu Tumpu, aijo'mo anggur nu tambuha'-Nyo anu i lambe'-Nyomo i tampat pongisiannyo anggur anu madi' o ga'ai sangkiding pe'e! Iwi-iwi' na mian aijo' osakisamo i uno nu apu ka' belelang i ahop nu to mala-malaikat anu susi', ka' i ahop nu Anak nu Domba aijo'.