1 TIMOTIUS 5:19 - KITAB NU TUMPU ALLA LELE MA'IMAI'

¹⁹ Boli monsitujui poosala' mongkona hi samian na polaya' nu jama'at, beilako' de nu pototu'umo nu ohua' na mian sakisi kabai molabi.

1 TIMOTIUS 5:19 ပူးပေါင်းရင်းမြစ်များ

MATIUS 18:16

Panyo de madi', boa na samian, kabai ua'aha na mian mule'. Kalana i uno nu Kitab nu Tumpu tinulis, ‘Tahahumo sangkiding ohua' kabai totolu' na sakisi anu opalalu da momponyata' samian na anu osangka ko sala'nyo.’

YOHANES 18:29

Kalana aitu i Pilatus nosabat nokiijo' hi aha ka' nompokilawa, “Apaa na kasala'annyo sahingga komiu mongkalakmo mae mian aiya?”

YOHANES 8:17

I uno nu Atulan i Musa tinulis sumo uuka: Katalangan anu totu'u aijo'mo katalangan anu ua'aha na mian.

SISIKON NU TO RASUL-RASUL 11:30

Posa'angu'an nu tanga'an aijo' binaumo, lantas i Barnabas ka' i Saulus sinai da momboa pontulungi aijo' hi to pola-polaya' nu jama'at.

SISIKON NU TO RASUL-RASUL 25:16

Panyo aku nontaami saba' mian nu Roma madi' saintolo-tolo mombee'mo mian anu tinuuk da o hukum, de anu tinuuk aijo' ma'isa mompaha ahop tiba anu mongkalaak ia ka' obee'i kasampatan da montalangkan kahondoan nu butongnyo.

2 KORINTUS 13:1

Aiyamo na ko pintolunnyo aku toka molenga komiu. I uno nu Kitab nu Tumpu tinulismo, “Batu-batu palakala tionyo nu tinjohi nu sakisi ua'aha kabai totolu' na mian monsakisi, atina'je ka' palakala aijo' opototu'u.”

PO'ULE' INGULIT 17:6

Panyo ola ia obee'i hukuman mate de daagi' ko sakisi ua'aha kabai molabi; batu-batu mian madi' timbali o hukum mate de ola katalangan nu samian na sakisi.

PO'ULE' INGULIT 19:15

“De ola samian na sakisi madi' opongala na mompoto'i samian anu osangka sinala'mo; opai-pai lio ua'aha na sakisi anu opongala i han aijo'.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:17

Polaya' nu jama'at anu mompojalan kalaja ma'i-ma'ima', patut obee'i bau ponginau' kalajanyo pinduan lipat, lebe-lebe aha anu make-makeke na mompogreja ka' mongajan.

TITUS 1:6

Samian na polaya' nu jama'at tionyo ahi' samian anu madi' ko kasala'annyo; ia tionyo ko bengkele' ola samian; to ana-anaknyo tionyo ahi' pinalesayamo hi Kristus ka' misa' sumo to ana-anak anu lausala ka' anu madi' opoko ala o atun.

IBRANI 10:28

Mian anu madi' nontuluti atulan anu binee'mo i Musa, o hukum mate madi' ko ampunnyo, de ko sakisimo ohua' kabai totolu' na mian anu mompoto'i tukoonyo ia sinala'mo.